ل ناڤچیا خنسێ یا پارێزگەها ئەرزرۆمێ یا باکورێ کوردستانێ ب سه‌ده‌ما «ئالیکاریا مادی یا په‌كه‌كێ» 9 کەس هاتن دەستەسەرکرن. هەڤسەرۆکێ رێخستنا ده‌به‌پێ یا هەمان ناڤچەیێ حه‌سه‌ن دۆگان ژی د ناڤ دەیە.
ل ناڤچەیا خنسێ یا ئەرزرۆمێ پۆلیسان ب سەر هنەک ناڤنیشان دە گرت و د ئەنجام دە هەڤسەرۆکێ رێخستنا پارتیا هەرێمێن دەمۆکراتیک (ده‌به‌په) یا هەمان ناڤچەیێ حه‌سه‌ن دۆگان و 9 کەسێن دن ب سه‌ده‌ما کو ئالیکاریا مادی دایە په‌كه‌كێ هاتن دەستەسەرکرن.
هێزێن ئەولەهیێ هەر 10 کەسێن دەستەسەرکری برن رێڤەبەریا ئەولەهیێ یا ئەرزرۆمێ، پشتی ئیفادەیێ 6 کەس هاتنە بەردان لێ پێڤاژۆیا دەستەسەربوونا 3 کەسێن ب ناڤێ دیلەک و توران ئۆروچ و یه‌حیا ئینجەکان بەردەوام دکە.
هەروها د چارچۆڤەیا دۆسیەیێ دە ئیفادەیا یلماز گولچیچەک ژی هاتیە گرتن کو نها د گرتیگەهێ دە یە.
