وەزیرێ ناڤخوەیێ ترکیێ عه‌لی یەرلیکایا راگەهاند کو ل ناڤچەیا بازیدا سەر ب پارێزگەها ئاگری یا باکوورێ کوردستانێ د ئۆپەراسیۆنا ب ناڤێ «گورز-7» دە بەرپرسا په‌كه‌كێ یا ب ناڤێ سەیران چۆماک کو وەک بەروار تێ ناسکرن و د لیستەیا سۆر دە جیهـ دگرت هاتیە کوشتن.
وەزیرێ ناڤخوەیێ ترکیێ عه‌لی یەرلیکایا د تۆرا خوە یا جڤاکی X دە داخویانیەک بەلاڤ کر و راگەهاند: «د چارچۆڤەیا ئۆپەراسیۆنا گورز-7 دە ب سەرپەرەشتیا سەرۆکاتیا رێڤەبەریا تیمێن تەکۆشینا دژی تەرۆرێ دە؛ ل سەر ئاگاهیێن ئیستیخباراتێ، هێزێن فەرمانداریا ئاساییش، هێزێن فەرمانداریا ئاگری هەروه‌ها ب بەشداریا فەرمانداریا هێزێن ئەسمانی، ل ناڤچەیا بازیدێ ئۆپەراسیۆن پێک هات و د وێ ئۆپەراسیۆنێ دە فەرماندارا یه‌ژا-ستار کو باسکێ په‌كه‌كێ یێ ژنانە، سەیران چۆماک کو وەک بەروار تێ ناسکرن و رێڤەبەرا ئەیالەتا سه‌رحه‌دێ یا په‌كه‌كێ بوو، د وێ ئۆپەراسیۆنێ دە هاتە کوشتن.
یەرلیکایا راگەهاند، سەیران چۆماک، فەرمانا 16 چالاکیێن دژی هێزێن ترکیێ دایە و د وان چالاکیان دە 29 کەس هاتنە کوشتن و ئەو رێڤەبەرا په‌كه‌كێ د لیستەیا سۆرا وەزارەتا ناڤخوە یا کەسێن کو داخوازا گرتنا وان تێ کرن دە جیهـ دگرت.
