ل 36 باژارێن ترکیێ و باکورێ کوردستانێ، 222 کەس ب تۆمەتا ئەندامەتی، بانگەشە و ئالیکاریا پەکەکێ ھاتن بنچاڤکرن.
وەزیرێ ناڤخوەیێ ترکیەیێ عەلی یەرلیککایا راگھاند، ل 36 باژارێن ترکیەیێ ل دژی ئەندام و ئالیکارێن پەکەکێ، ئۆپەراسیۆنا ب ناڤێ گورز-8 ھاتیە ئەنجامدان.
یەرلیککایا گۆت، کەسێن ھاتنە بنچاڤکرن، ب ئەندامەتیا پەکەکێ، ھەولا تەڤلیبوونا کادرۆیێن چیا، بانگەشەیا پەکەکێ ل سەر تۆرێن جڤاکی، ئالیکاریا رێخستنا نەیاسایی تێن تۆمەتبارکرن.
ل گۆری داخویانیا یەرلیککایا، ئۆپەراسیۆن ل دیاربەکر، وان و مێردین، ستەنبۆل، ئیزمیر، ئەنقەرە، مێرسین و ئەدەنە ھاتیە ئەنجامدان.
وەزیرێ ناڤخوەیێ ترکیەیێ گۆت ژی، لگەل کەسێن ھاتنە بنچاڤکرن، گەلەک پارە و دراڤ و دۆکومەنتێن رێخستنێ ژی ھاتنە دەستەسەرکرن.
