د شەرێ سەختە یێ د نێڤبەرا چەکدارێن پەکەکێ و ئارتێشا ترکیەیێ دە تێ مەشاندن، چەکدارێن پەکەکێ تەڤ لۆتکە و چیایێن ستراتەژیک تەسلیمی دەولەتا ترک کرنە، پاشڤە ڤەکشینە و تەڤگەرا خوە خستیە دەرۆرا گوند و جهێن سڤیلان، ل هن هەرێمان ژی دەرباسی ناڤا گوندان بوویە و ب ڤێ سەدەمێ شێنیێن گوندان راستی زرارەکە مەزن هاتنە.

ب سەدەما تەڤگەرا چەکدارێن پەکەکێ پرانیا گوندێن ئامێدیێ ڤەگوهەرینە قادێن شەر، رۆژانە دەنگێ فیشەک، تۆپ و بالەفرێن شەر یێن ئارتێشا ترک ل ڤێ هەرێمێ تێ بیستن، گوندی راستی زرارەک مەزن هاتنە، ب ئاوایەکی کو د دەما سێ رۆژان دە 11 گوندەوارێن ئامێدیێ بوونە قادێن ڤی شەرێ سەختە، و لەشکەرێ ترکیەیێ ئێریشی ڤان گوندان کریە.

ئێریشێن دەولەتا ترک ب ڤی ئاوا بوونە:

12/8/2024

دەمژمێر 12:50 شەڤێ دە، دو هەلیکۆپتەرێن لەشکەرێ ترکیەیێ ب چەکێ دۆشکە تەقە ل گوندێن بلیزانێ، بێشیلێ و دەرگەلا مووسا بەگێ یێن سەر ب دەڤەرا بەرواری بالاڤە کریە.

دەمژمێر 6:30 ئێڤاری، بالافرێن شەر یێن ترکیەیێ تونەلا پەکەکێ یا دکەڤە چیایێ مەتینا ل هنداڤی گوندێ گوهەرزێ یێ سەر ب دەڤەرا نهێلێ بۆمبەباران کریە.

دەمژمێر 8:40 شەڤێ، بالافرێن شەر یێن ترکیەیێ پشتا گوندێ دێرەشێ یێ سەر ب دەڤەرا بەرێ گارێ بۆمبەباران کریە، هەر وەها دەمژمێر 9:51 شەڤێ هەلیکۆپتەرێن ئارتێشا ترکیەیێ ب چەکێ دۆشکە تەقە ل تونەلا پەکەکێ یا ل هنداڤی گوندێ گوهەرزێ کریە.

دەمژمێر 11:15 هەیانی 11:55 پێش نیڤرۆژێ، تۆپخانەیا لەشکەرێ ترکیەیێ 7 تۆپ ل گەلیێ بازێ یێ سەر ب دەڤەرا بەرواری بالا خستنە.

دەمژمێر 6:20 و 6:52 ئێڤارێ، بالافرێن شەر یێن لەشکەرێ ترکیەیێ گوندێ دەرگەلا مووسا بەگێ و شێلازا یێن سەر ب دەڤەرا بەرواری بالا ڤە بۆمبەباران کرنە.

13/8/2024

دەمژمێر 7:35 مەغرەب، بالافرێن شەر یێن لەشکەرێ ترکیەیێ گەلیێ بازێ بۆمبەباران کریە.

دەمژمێر 6:50 و 7:40 مەغرەب، هەلیکۆپتەرێن لەشکەرێ ترکیەیێ، تونەلا پەکەکێ یا ل هنداڤی گوندێ گوهەرزێ بۆمبەباران کریە.

دەمژمێر 10:15 شەڤێ، هەلیکۆپتەرێن لەشکەرێ ترکیەیێ چیایێ مەتینا ل باکورێ خالا کۆنترۆلێ یا دێرالۆک ب دووراتیا 2 کم هەوایی بۆمبەباران کریە.

14/8/2024

دەمژمێر 11:20 هەیانی 11:50 شەڤێ، تۆپخانەیێن لەشکەرێ ترکیەیێ، گەلیێ بێشیلێ تۆپباران کریە، هەر وەها دەمژمێر 1:10 نیڤرۆژێ بیستانەکی گوندێ خانکێ یێ سەر ب دەڤەرا بەرواری بالاڤە هەدەف گرتیە.

دەمژمێر 6:50 ئێڤاری، بالافرێن شەر یێن لەشکەرێ ترکیەیێ شکەفتا بابەکرا یا ل گەلیێ بازێ یێ سەر ب دەڤەرا بەرواری بالا ڤە بۆمبەباران کریە.

دەمژمێر 10:40 هەیانی 11:40 شەڤێ، سێ هەلیکۆپتەرێن لەشکەرێ ترکیەیێ ب چەکێ دۆشکە تەقە ل گوندێ بێلیزانێ و بازێ یێن سەر ب دەڤەرا بەرواری بالاڤە کریە و ب شەش مووشەکان ژی ئەڤ دو گوند هەدەف گرتنە.

دەمژمێر 5:45 هەیانی 7:45 مەغرەب، چەکدارێن پەکەکێ ب مووشەکەکی لەشکەرێ ترکیەیێ ل پشتا بەنداڤا گوندێ سەرگەلێ یێ سەر ب دەڤەرا نهێلێ هەدەف گرتیە.

دەمژمێر 7:20 مەغرەب، بالافرێن لەشکەرێ ترکیەیێ ئاقارێ گوندێ ئاتۆش یێ سەر ب ناحیا چەمانکێ ڤە بۆمبەباران کریە.