رێخستنا په‌كه‌كێ ناسنامه‌یا دو فه‌رماندارێن خوه یێك ژێ ژن ئاشكه‌ره كر كو ل زاپێ كه‌تنه به‌ر ئێریشێن بالافرێن تركیێ و ژیانا خوه ژ ده‌ست دا نه.
هه‌په‌گێ باسكێ له‌شكه‌ری یێ په‌كه‌كێ دوهـ رۆژا ئینی 16 ته‌باخا 2024ێ ناسنامه‌یا دو فه‌رماندارێن خوه ئاشكه‌ره كر یێك ژێ ژن و گۆت: ئه‌و ل 21 هه‌زیرانا ئیسالێ ل زاپێ كه‌تنه به‌ر ئێریشان و ژیانا خوه ژ ده‌ست دا نه.
ناڤێن وان ووسایه:
ئه‌نده‌ر نوسره‌ت ژ مووشێ و له‌یلا عه‌زیز ژ ئه‌ده‌نه‌یێ، له‌یلا دوختۆره ژی.
هه‌په‌گێ وه‌كه ته‌ڤ شه‌رڤانێن خوه مرنا فه‌رماندار ئه‌نده‌ر و دوكتۆر له‌یلا ژی ئه‌ڤ دو مه‌هن ڤه‌شارتی هشتیه و د په‌سنێ وان ده دیسا ئه‌و ب فه‌دا ژ بۆی ئاپۆ حه‌ساب كرنه.
ئارتێشا ترکیێ رۆژا 17ێ نیسانا 2022ان د ناڤ ئاخا باشوورێ کوردستانێ دە ل دژی په‌كه‌كێ دەست ب ئۆپەراسیۆنا ب ناڤێ «پەنجە» ل سینۆرێ ناڤچەیا ئامێدیێ کربوو.
ل هه‌زیرانا ئیسال 2024ان ژی قووناغه‌كه دن ژ ڤێ ئۆپه‌راسیۆنێ ده‌ستپێكر و هێژان ژی ده‌وام دكه. ژ وێ ده‌مێ ڤه په‌كه‌كێ وه‌نداهیێن مه‌زن دا نه و رۆژانه جوانێن كوردان ب ده‌ستێ ئارتێشا ترك دده كوشتن.
