ل کۆبانێ زارۆکەک ب گولـلەیێن جەندرمەیێن ترکیەیێ ھات کوشتن

رەوانگەھا سووری بۆ مافێ مرۆڤان (SOHR) بەلاڤ کر، زارۆکەکی 14 سالی ب گولـلەیێن جەندرمەیێن ترکیەیێ ل گوندەوارێ کۆبانێ ھات کوشتن.

سۆھرێ دا زانین، جەندرمەیێن ترکیەیێ گولـلە ل زارۆکەکی 14 سالی یێ ب ناڤێ محەمەد مسلم د ناڤبەرا گوندێن کیکان و شەرانێ یێن ب سەر کۆبانێ ڤە، ل نێزی سینۆر رەشاندن و کوشت.

ل گۆری سۆھرێ، زارۆکێ کوشتی ژ خەلکێ سەرێ کانیێ یە و بەریا چەند سالان لگەل مالباتا خوە کۆچبەری کۆبانێ بووبوو.

ل گۆری ئامارێن رەوانگەھێ، ژ دەستپێکا سالا 2024 ڤە 13 وەلاتیێن سڤیل ل ھوندرێ سووریێ ب گولـلەیێن جەندرمەیان ھاتنە کوشتن و 28 وەلاتیێن دن بریندار بوونە.