کەجەکێ ل سەر ھەڤدیتنێن ترکیەیێ و ئیراقێ داخویانی دا!

کەجەکێ ل سەر جڤینا ناڤبەرا حکوومەتا ئیراقێ و یا ترکیەیێ دە پێکھاتی داخویانیەک راگھاند.

وەک تێ زانین ل ئەنقەرە جڤینا چارەمینا میکانیزمایا ئەولەھیێ یا ئاستا بلند د ناڤبەرا ترکیەیێ و ئیراقێ دە ھاتە کرن. د جڤینێ دە رەوشا پەکەکێ بابەتەک سەرەکەیا رۆژەڤێ بوو.

کەجەکێ ل سەر ڤێ جڤینێ داخویانیەک راگھاند و گۆت: دڤێت حکوومەتا ئیراقێ نەبە ھەڤکارا پۆلیتیکایێن قرێژی یێن دەولەتا ترک و دڤێت گرینگیێ بدە تێکلیێن دۆستانەیێن د بەرژەوەندیا گەلێن ئیراقێ. دخوەیە کو، حکوومەتا ئیراقێ د ناڤا خوەخاپاندنەکە مەزن دەیە. ترکیەیێ ب دەھان کیلۆمەترەیێن وێ داگیر کریە.”

کەجەکە دبێژە: یێ کو داعش ل مووسلێ خوەدی کریە، بەرێ ئێرشێن وێ دایە سووریێ و رۆژئاڤا ژی ئەردۆگان و دەولەتا ئاکەپێ یە. یێ کو بێیی ئەرێکرنا دەولەتا ئیراقێ ھێزێن لەشکەری شاندنە بەعشیقە، ب ئاوایێ ماییندە ل خاکا ئیراقێ ب جھ بوویە و ھینا ژی ھەول ددە ھێزا خوە زێدە بکە دەولەتا ترکیەیێیە. ئەڤ رەوش نە ل گۆری راستیا دەولەتەکە سەربخوە-دەستھلاتدارە ژ بەر کو دەستھلاتداریا ئیراقێ ب ئاوایێ فەرمی ژ ئالیێ دەولەتا ترک یا داگیرکەر و ئەمپەریال ڤە ھاتیە بنپێکرن.”

کەجەکێ دبێژە: ئەم بانگ ل حکوومەتا ئیراقێ دکن کو نەبن ھەڤکارێ ڤان پۆلیتیکایێن قرێژی یێن دەولەتا ترک و دڤێت گرینگیێ بدە تێکیلیێن دۆستانە یێن ب پەرسپەکتیڤەکا کو بەرژەوەندیێن گەلێن ئیراقێ دپارێزن.”