نه‌هـ چه‌كدارێن رێخستنا په‌كه‌كێ د 24 ساعه‌تێن ده‌رباسبوویی ده ل ده‌ڤه‌را خاكوركێ یا ل باشوورێ كوردستانێ كه‌تنه به‌ر ئێریشێن ئاسمانی و هاتنه كوشتن.
وه‌زاره‌تا پاراستنا نه‌ته‌وی یا تركیێ راگهاند، دوهـ رۆژا شه‌می 17/8/2024ێ 9 چه‌كدارێن پارتیا كاركه‌ران ل هه‌رێما خاكوركێ یا ل باشوورێ كوردستانێ كه‌تن به‌ر ئێریشێن بالافرێن شه‌ر و هاتن كوشتن.
د داخویانییا وه‌زاره‌تێ ده هات گۆتن كو «ئەڤ ئۆپەراسیۆن بەشەکە ژ هەولێن بەردەوامێن تێکۆشینا ل دژی تەرۆرێ یه».
ئارتێشا ترکیێ رۆژا 17ێ نیسانا 2022ان د ناڤ ئاخا باشوورێ کوردستانێ دە ل دژی په‌كه‌كێ دەست ب ئۆپەراسیۆنا ب ناڤێ «پەنجە» ل سینۆرێ ناڤچەیا ئامێدیێ کربوو.
ل هه‌زیرانا ئیسال 2024ان ژی قووناغه‌كه دن ژ ڤێ ئۆپه‌راسیۆنێ ده‌ستپێكر و هێژان ژی ده‌وام دكه. ژ وێ ده‌مێ ڤه په‌كه‌كێ وه‌نداهیێن مه‌زن دا نه و رۆژانه جوانێن كوردان ب ده‌ستێ ئارتێشا ترك دده كوشتن.
