بالافرێن شەر یێن ترکیێ گوندەکی نێزکی دهۆکێ بۆمبەباران کر
بالافرێن شەر یێن ترکیێ هەرێمەکە چیایی کو 30 کیلۆمەتران دووری ناڤەندا دهۆکێ یه، بۆمبەباران کر و شەوات دەرکەتیە.
ئیرۆ بالافرێن شەر یێن ترکیێ چیایێ گوندێ مجلمەختێ یێ ناڤچەیا مانگێشکێ کو 30 کیلۆمەتران دووری ناڤەندا دهۆکێ یه بۆمبەباران کر.
ئەڤ جارا یەکەمە کو ئەو هەرێم ژ ئالیێ ترکیێ ڤە تێ بۆمبەباران کرن.
ئەیاد مەجلمەتی کو ب خوە ژ گوندێ مجلمەختێ یە ل سەر مژارێ ژ رووداوێ رە ئاخڤی و گۆت:
«ئیرۆ دانێ نیڤرۆ چیایێ گوندێ مە هات بۆمبەبرانکرن و د ئەنجامێ دە ئاگر ب چیا کەتیە.
ژ بەر ئاسێبوونا هەرێمێ ئەم نکارن هەرن ئاگر ڤەمرینن».
ئەیاد مجلمەتی دا زانین کو ئەڤ جارا یەکەمە کو ئەو هەرێم تێ بۆمبەباران کرن.
هەروه‌هـا ژ خەینی زیانێن مادی هەتا نها نایێ زانین زیانێن جانی هەنە یان نا.
ئەو جهێ کو هاتیە بۆمبەبارانکرن خەلک لێ دژی و جهەکی قەرەبالغە.
ل ئالیێ دن ئەیاد تەکەز کر، جهێ کو هاتیە بۆمبەبارانکرن مومكن نینە کو گەریلایێن په‌كه‌كێ ل وێ دەرێ بن.
