دەزگەها خێرخوازیا بارزانی ب رێیا ئۆفیسا خوە یا ل باژارێ عه‌فرینێ، ل سەر پێشکێشکرنا خزمەتگوزاریێن تەندروستی ژ وەلاتیێن عه‌فرینێ رە بەردەوامە.
دەزگەها خێرخوازیا بارزانی د داخویانیەکێ دە دیار کر، تیمێن وێیێن بزیشکی خزمەتێن بزیشکی پێشکێشی 67 نەخوەشێن ژ گوندێن ئەحمەدێ ماستێ و ئوگا یێن ناڤچەیا بلبلێ کرنە، کو ژ ناڤا وان نەخوەشان، 32 زارۆک، 30 ژن و 5 مێر بوون.
دەزگەها خێرخوازیا بارزانی پشتی ئەردهەژا سباتا 2023ان، ئۆفیسەکە خوە ل عه‌فرینێ ڤەکر و ئالیکاریێن جوربجور پێشکێشی وەلاتیێن هەرێمێ دکە، ژ وان ئالیکاریێن خوارن، بزیشکی و هەروها ڤەکرنا کورسێن زمانێ کوردی و پیشەیی.
هەروها دەزگەهێ ناڤەندا بارزانی یا چاند و گەشەپێدانێ ل عه‌فرینێ ڤەکریە و گەلەک دەستپێشخەری و چالاکیێن مرۆڤی، کورسێن جوربجورێن خوەندنێ ڤەدکە.
