ئیستخباراتا ده‌وله‌تا ترك ئیرۆ راگهاند، د ئۆپه‌راسیۆنه‌كێ ده كو ل خاكوركێ پێكهاتیه، كادرۆ و چه‌كدارا په‌كه‌كێ یا ب ناڤێ زیلان ئازاك ب ناڤێ كۆد سه‌ما چه‌ولیگ هاتیه كوشتن.
ل گۆری ئاگاهیێن كو ئاژانسا ئه‌نادۆلویێ ژ میتێ ب ده‌ستخستنه، زیلان ئازاك كادرۆیا ئیستخباراتا په‌كه‌كێ ل هه‌رێما خاكوركێ هاتیه كوشتن، لێبه‌لێ ده‌ما كوشتنا ئه‌شكه‌ره نه‌كریه.
میتێ تەسپیت کر کو ئازاکێ سالا 2015ان خوەندنا خوە یا زانینگەهێ د نێڤی دا هشتیە و ته‌ڤلی رێخستنا په‌كه‌كێ بوویه.
ده‌ستنیشان كر، ئازاک بەشداری چالاکیێن کۆمکرنا ئاگاهیێن ئیستخباری، کەشف، راچاڤکرن و ئێریشێن ب درۆنان بوویە.
ده‌ربارێ كوشتنا زیلان ئازاكێ، مه‌دیایا په‌كه‌كێ ل 6 ته‌باخا ئیسالێ مرنا وێ راگهاند بوو و گۆت بوو كو زیلان ل مه‌ها نیسانا ئیسالێ ل خاكوركێ كه‌تبوو به‌ر ئێریشان.
