به‌رپرسێ هه‌والگیرییا رێخستنا په‌كه‌كێ یێ ده‌ڤه‌را به‌رواری بالا كه‌سێ ب ناڤێ كۆد گه‌لهات كۆچه هاته كوشتن، گه‌لهات كه‌سه‌كی هه‌ری گرینگێ رێخستنێ بوو.
ل گۆری چاڤكانیێن تایبه‌ت یێن داركا مازی، فه‌رماندارێ په‌كه‌كێ یێ ب ناڤێ عه‌بدوللا ئه‌حمه‌د كو ب ناڤێ كۆد گه‌لهات كۆچه‌ر تێ ناسكرن، به‌پرسێ مه‌له‌فا هه‌والگیرییا په‌كه‌كێ یه ل ده‌ڤه‌را به‌رواری بالا، ئه‌و د ئێریشه‌كه تركیێ ده هاتیه كوشتن.
گه‌لهات كۆچه‌ر كی یه؟
ناڤ: عه‌بدوللا ئه‌حمه‌د.
پاشناڤ: ئه‌رسه‌لان.
كۆدناڤ: گه‌لهات كۆچه‌ر.
جهێ ژ دایكبوونێ: شرنه‌خ.
گه‌لهات ژ عه‌شیرا ددێری یا هه‌زه‌خێ یه، ل سالا 2015ێ ته‌ڤلی په‌كه‌كێ بوویه، ژ بۆتانێ ده‌رباسی باشوورێ كوردستانێ بوو و ل ور په‌روه‌رده‌هییا چه‌كداری و پشتره یا هه‌والگیری دبینه.
رێخستنا په‌كه‌كێ دبێژه ئه‌و ل 9 هه‌زیرانا ئیسالێ ل چیایێ مه‌تینایێ كه‌تیه به‌ر ئێرشا بالافران و ژیانا خوه ژ ده‌ست دا یه.
هه‌په‌گێ باسكێ له‌شكه‌ری یێ په‌كه‌كێ دو مه‌هان مرنا وی ڤه‌شارتبوو و پشتره وه‌كه گه‌ریلایه‌ك ئاسایی نووچه‌یا مرنا وی ئیلان كر.
