درۆنەکە ترکیەیێ ناڤەندەکە ئاساییشێ ل قامشلۆ ئارمانج کر

درۆنەکە ئارتێشا ترکیەیێ بارەگەھەکە ھێزێن ئەولەکاریا ھوندرین (ئاساییش) ل باژارێ قامشلۆ ئارمانج کر.

ئاسایشێ د داخویانیەکێ دە راگھاند، ئارتێشا ترکیەیێ ئیرۆ 22 تەباخێ ب رێیا درۆنان ناڤەندا ھێزێن وان یا ل باژارێ قامشلۆ ئارمانج کر و د ئەنجاما ئێرشێ دە، زیانێن مادی چێبوون.

ئاسایش دبێژە: “ئەڤ ئارمانجکرن شەرەکی دەروونی یێ ل سەر گەلێ ھەرێمێیە. ب ڤێ یەکێ تێ خوەستن کو ھێزێن مە ژ پێکانینا ئەرکێن خوەیێن ئەولەھی، ئارامیێ و بەرسڤدایینا گلیێن وەلاتیان و پێشکێشکرنا خزمەتا پێویستا ژ بۆ پاراستنا ئەولەھی-ئارامیا وان دوور بخن.”

ھەروھا د داخویانیێ دە گۆت: “ئارتێشا ترکیەیێ ب رێیا ڤان ئێرشان، دخوازە مە ژ پێکانینا ئەرکێن مەیێن ل ھەمبەری گەل و ھەرێمێن خوە دوور بخینە.”

رۆژا 20 تەباخێ ژی دەردۆرا نەخوەشخانەیا دل و چاڤان یا باژارێ قامشلۆ ھاتبوو بۆمبەبارانکرن و ل گۆری داخویانیەکە رێڤەبەریا خوەسەر دە، د ئەنجاما ئێریشێ دە 4 وەلاتی بریندار بوون.