رێختسنا پەکەکێ ل رۆژئاڤا کوردستانێ دەست ب وەرگرتنا پەرە ژ شێنیێن رۆژئاڤا کوردستانێ کریە و ب ڤێ سەدەمێ دەبارا ژیانا گەل زیدەتر سەخت بوویە.
کادرۆیێن پەکەکێ ل رۆژئاڤا کوردستانێ هەر سالێ ل هەر باژار و باژارۆکەکێ رۆژئاڤا کوردستانێ لیژنەیەکی پێک تینن و ل سەر مالێن کوردان دگەرن و پەرە ژ وان دستینن، ئەڤ لیژنە ژ کادرۆیێن پەکەکێ و هن کەسان ژ مالباتێن شەهیدان “دایک، باب، خووشک و برایێن شەهیدان” پێک تێ.
چاڤکانیێن پێگەها دارکا مازی ل رۆژئاڤا کوردستانێ ئەشکەرە کرن، پەکەکە لۆما ئەندامێن مالباتێن شەهیدان د ناڤا لیژنەیێ دە ب جی دکە هەیا کو باندۆرێ ل هەست و سۆزا گەل بکە، و ب ڤێ یەکێ پەرەیەک زیدەتر ژ شێنیێن رۆژئاڤا وەربگرە.
چاڤکانیێن مە هەر وەها ئەشکەرە کر، گەر مالباتەک رازی نەبە پەرە ب پەکەکێ بدە، پشترە پەکەکە ب رێیا سازیێن سەر ب پەیەدێ ل رۆژئاڤا کوردستانێ پرسگرێکان ژ وان رە چێدکن، ب ئاوایەکی کو نەچار بمینن پەرە ب پەکەکێ بدن.
هەر وەها تەکەز کر، ئەڤ لیژنە هەری زیدە پەرە ژ جۆتکارێن رۆژئاڤا دستینە و ب ڤی ئاوا دو جاران جۆتکاران ئیستیسمار دکە، جارەکی ب نەچارکرنا وان کو گەنمێ خوە ب نرخەک هەرزان بفرۆشن رێڤەبەریا خوەسەر، کو پشترە پەکەکە ب نرخەک پێتر دفرۆشە رەژیما سووریێ و جارەکە دن ژی ب رێیا ڤان لیژنەیان پەرە ژ جۆتکاران دستینە.
پەرەیێ کو ژ جۆتکار و گەلێ هەژار یێ رۆژئاڤا کوردستانێ تێ ستەندن دەملدەست ل سەر ناڤێ مالباتێن شەهیدان ژ بۆی قەندیلێ تێ شاندن.
