رۆژا ئینێ، 23 تەباخێ، ل ناڤچەیا سەییدسادق یا سلێمانیێ، ترومبێلەک ژ ئالیێ بالافرێن بێ مرۆڤ ڤە ھات ئارمانجکەرن. ھات راگھاندن کو د بوویەرێ دە 2 کەسان ژیانا خوە ژ دەست دانە. چاپەمەنیا پەکەکێ ئیدیعا کر کو کەسێن ژیانا خوە ژ دەست دانە خەباتکارێن چاپەمەنیا سڤیلن. دەولەتا ترک دەربارێ بوویەرێ دە چ داخویانی نەدا.
چاڤکانیێن پەکەکێ ل سلێمانیێ رادگھینن کو ھەر دو ژنێن ژیانا خوە ژ دەست دانە ل سلێمانیێ بەشداری خەباتێن چاپەمەنیا پەکەکێ بوونە. ل گۆری زانیاریان، ھێرۆ بەھائەدین ژنەکا نیڤ-سڤیلە و ژ رێخستنا جوانێن پەکەکێ ل سلێمانیێ بۆ کارێ رۆژنامەڤانیێ ھاتیە ڤەگوھەستن. گولیستان تارا 25 سالن کادرۆیا پەکەکێ یە.
گولستان تارا کی یە؟
گولستان تارا کو ناڤێ وێ یێ راست گولستان تەکیکە، د سالا 1982 دە ل ئێلھێ ژ دایک بوو و د سالا 1999 دە د سالێن خوەندا ئامادەیی دە تەڤلی ناڤا رەفێن پەکەکێ بوو. پشتی کو دەمەکێ ل ھەرێما بۆتانێ دمینە بەرێ خوە ددە ھەرێما قەندیلێ. د سالا 2004 دە دەست ب خەباتێن مەدیایا پەکەکێ دکە. د ڤێ ھەیامێ دە، د ناڤبەرا سالێن 2008 و 2011 دە د دەزگەھێ سەکرەتەریا گرێدایی موراد قارایلان جھ گرت و نێزی قارایلان دما. د ڤێ سەردەمێ دە تەڤگەرا ژنان گولستان تارا ب بەهانەیا کو نێزیکی قارایلانە، لێ ژ تەڤگەرا ژنێ دوور کەتیە دکێشنە ناڤەندا خەباتێن ژنێ. ئەڤ ڤەگوهەستن د گولستانێ دە دبە جھێ نەرازیبوونێ و د کێشەیا ل گەل رێڤەبەرییا ژنێ دە دژیت.
پشترە ژی گولستانێ وەکە خەباتکارا رۆژنیوسێ دشینن سلێمانیێ.
پشتی سالا 2017 گولیستان تەکیک ل رۆژئاڤا د ناڤا خەباتێن ئاژانسا “ئانھایێ” دە جھ گرت، پشترە ڤەگەریا سلێمانیێ و وەکە ئەنداما کۆمیتەیا خەباتێن چاپەمەنیێ یا گشتی یا پەکەکێ د ئاستا ھەری ژۆر دە ھاتە ئەرکدارکرن. ھات راگھاندن کو گولستان تەکیک سەرپەرشتا گشتی یا خەباتێن رۆژنیوسێ یە.
پەکەکە راستیان ژ کێ ڤەدشێرە؟
گولستان تارا کادرۆیەکا پەکەکێ یە، 25 سالان ل گەل مستافا قاراسو و موراد قارایلان د ناڤ پەکەکێ دە خەبتیە و نە کادرۆیەک ئاسایی بوو. ل ئالیێ دن پەکەکێ پشتی مرنا گولستان تارایێ ھەول دا ڤەشێرە کو ئەو کادرۆیەکا پەکەکێ یە.
نە موومکنە گولستان کو 25 سالن پەکەکەیی یە و ڤێ راستیا وێ کەس نەزانبە. پەکەکە ب کادرۆ و جەماوەرێ خوە ڤە دزانە کو گولستان تەکیک کادرۆیەکا پەکەکێ یە، دەولەتا ترک ژی ڤێ یەکێ دزانە. وێ دەمێ پەکەکە ڤێ راستییێ دخوازە ژ کێ ڤەشێرە؟
پەکەکە خەباتکارێن خوە یێن 25 سالان خزمەت کری ئینکار دکە ژ بۆ سیاسەتێ ل سەر ونداھیێن مرۆڤی بکە و گەل بخاپینە ژیانا مرۆڤان ئیستیسمار دکە.
ھەلبەت پەکەکە وەک ھەر جارێ د ڤێ بوویەرێ دە ژی ناڤێ پەدەکێ تینە و ھەول ددە کو ھێرس و کەربا گەلێ کورد بکشینە سەر پەدەکێ. لێ بەلێ بوویەرێ ل ھەرێما یەنەکێ روو دایە. دەرڤەیی پەکەکێ و خالێن کۆنترۆلێ یێن یەنەکێ کەس نزانە کا د وێ ترومبێلێ دە کی/کێ ھەبوون. پەکەکە دخوازە ب ئێشا ونداھییان و نووچەیێن سەختە تێکچوونا خوە ڤەشێرە و تەڤلیبوونا خوە یا د ئەنیا دژە کورد دە رەوا بکە.
