ھەژمارەکا مەزن یا حەشدا شەعبی ب لھەڤکرنا لگەل یەنەکێ، دەرباسی سینۆرێ ئەنیا یەکەما پێشمەرگە ل گەرمیان و کولاجۆ بوونە و دەست دانینە سەر بیرێن پەترۆلێ یێن وێ دەڤەرێ.
ل گۆر ئاگاهیێن ژ ئالیێ K24 ڤە هاتنە پارڤەکرن، ئیرۆ دەمژمێر 04:00 ھێزەکا مەزن یا حەشدی شەعبی نێزیکی 3 ھەزار چەکدار ب 100 ئۆتۆمبیل، شۆفەل، هەمەر و ئالاڤێن لەشکەری یێن دن، ب رێکەفتنا لگەل یەنەکێ دەرباسی دەڤەرا ئەولەکاریا لیوایا پێنجەما گەرمیانێ و ناڤچەیا کولاجۆ بوو و دەست دانین سەر چەند بیرێن پەترۆلێ.
ل گۆری وی ژێدەری، ھێزێن حەشدا شەعبی ل نێزیکی بیرێن پەترۆلێ یێن کولاجۆ چەپەرێن خوە ئاڤا دکن و پێگەھێن خوە بھێز دکن.
ھەروھا ئاماژە ب وێ یەکێ ژی کر، ھێزێن پێشمەرگە رێ نەدان ھێزێن حەشدا شەعبی دەرباسی ناڤ ڤالاھیا ئەولەھیێ ببن، لێ حەشدا شەعبی راگھاندیە، ئەو ب لھەڤکرنا لگەل یەنەکێ ھاتنە دەڤەرێ.
دا زانین ژی، ھێزێن یەنەکێ چەپەرێن خوە ژ بۆی حەشدا شەعبی ھشتنە و ل گۆری رێکەفتنا د ناڤبەرا وان دە، بیرێن پەترۆلێ و رووبەرەکە بەرفرەھا گەرمیان دێ رادەستی حەشدا شەعبی وەرە کرن.
