رێخستنا په‌كه‌كێ 3 زارۆكێن كورد ره‌ڤاندن، ته‌ڤی هه‌ولێن مالباتێن وان لێ ل داویێ ئه‌و چه‌كدار كرنه و پشتره ڤیدیۆیێن وان بۆ مالباتێن وان شاندنه و ژ وان ره گۆتنه كو ئه‌و بوونه گه‌ریلا!
ل گوری ئاگاهیێن داركا مازی ل ناڤه‌راستا مه‌ها تیرمه‌ها ئیسال 2024ێ، 3 زارۆكێن ژ مه‌ریوانێ ژ مالێن خوه ده‌ركه‌تنه و وه‌ندابوونه، پشتره ئاشكه‌ره بوو كو په‌كه‌كێ ئه‌و خاپاندنه و كێشی چیا كرنه، مالباتێن وان ژ بۆی ڤه‌گه‌را زارۆكێن خوه بانگا هه‌ر ئالی كرنه و گۆتنه كو په‌كه‌كێ ب دارێ زۆرێ ئه‌و كرنه چه‌كدار و ڤیدیۆیێن وان ژ مه ره شاندنه.
داخویانییا مالباتێن زارۆكێن ره‌ڤاندی وسایه:
جڤاکێن گەلێ کوردستانێ!
پارتی و رێخستنێن سڤیل و سیاسی!
ناڤەندێن مافێن مرۆڤان و رێخستنێن پاراستنا زارۆکان!
ئەم ژ هەموویان رە رادگهینن کو ئەم مالباتێن هۆگار کهۆئۆن ژام (24/11/2009)، ئارشیا دەرویشی (5/5/2010) و مەدا ئاقابرائە (5/5/2009)نە. بەرامبەر 16/07/2024 ل مەریوانێ وەندا بوونە. د 16/7/2024 ئان دە ل مەریوانێ وندا بوون.
مە گەلەک هەول دا کو ئەم کەزەبا خوە ببینن و ل گەلەک ناڤەند، نەخوەشخانە و گرتیگەهان ل پەی شۆپا وان گەریان. مە ب چەند ئاوایان ب پککعێ رە تێکلی دانی، لێ وان رەد کر کو زارۆکێن مە ل جەم وان بن.
پشتی دەمەکێ و دلگرانیا مە یا مەزنا ل سەر چارەنووسا وان خۆرتان، پککێ ب رێیا تۆرێن جڤاکی ڤیدیۆیێن وان خۆرتان ژ مە رە شاندن و گۆتیە کو ئەو بوونە گەریڵا!.
وەکە تەمەن ئەڤ خۆرت چ وان ژ 15 سالیێ دەرباس نەبوویە و هێژان زارۆکن و پێویستە ل ژێر چاڤدێرییا مالباتێن خوە بن و ل گۆری هەموو یاسایا و پیڤەرێن ئەخلاقی دڤێ تەمەنێ دە ئەو نکارن بریارێ ل سەر چارەنووسا خوە بدن.
په‌كه‌كه ب رییا باسكێ خوه یێ رۆژهلاتا كوردستانێ پژاكێ كو ئه‌و ب ئاوایه‌كی نه‌مه‌شرووع و بێی كو پێشی لێ وه‌ره گرتن ئازادانه ل گوند و ناڤچه‌یێن سینۆرێ رۆژهلاتا كوردستانێ ته‌ڤ دگه‌ره، ئه‌ڤ زارۆكێن مه ب ناڤێ خه‌بات و ئازادییا ژیانێ ژ رێ برنه و ره‌ڤاندنه، كو گه‌لێ كورد ب گشتی و زارۆكێن كوردان تایبه‌ت د خه‌رابترین ره‌وش ده د ناڤا رێخستنێ ده دژین.
ئه‌م مالباتێن هۆگر، ئه‌رشیا و میدیا، بانگا ڤه‌گه‌راندنا زارۆكێن خوه ژ هه‌ر ئالی دكین، دخوازین زه‌خت ل پژاكێ و په‌كه‌كێ بێ كرن كو ده‌ڤ ژ ره‌ڤاندنا زارۆكان به‌ردن و هه‌ول بدن خه‌بات وتێكۆشینا خوه بۆ خزمه‌تا زارۆكێن ئیرۆ و پێشه‌رۆژێ یێ نه‌ته‌وا بگوهه‌رینه، نه‌ك زارۆكان وه‌كه بانگه‌شه بۆ ئه‌جێندایێن خوه یێن رێخستنێ ب كار بینه.
د سه‌ر پێداگیرییا مه ژبۆی ڤه‌گه‌را زارۆكێن مه، ئه‌م جاره‌كه دن ب هه‌موو ئالیه‌كی و ب تایبه‌ت په‌كه‌كێ و پژاكێ رادگهینین كو ته‌ڤی شه‌رمه‌زار كرنا دیارده‌یا ره‌ڤاندنێ، هه‌موه‌خت ئه‌م گلییا خوه ئاراسته‌ی رێخستنێن جیهانی و ب تایبه‌ت رێخستنێن پاراستنا زارۆكان دكن و ئه‌م خه‌مساریێ د ئه‌شكه‌ره كرنا زارۆكێن خوه ده ناكن.
رێخستنا په‌كه‌كێ ژ بۆی چێكرنا شه‌رڤانان پشتبه‌ستنێ ل سه‌ر ره‌ڤاندنا زارۆكێن كوردان ژ هه‌ر چار په‌رچه‌یێن كوردستانێ دكه، ئه‌ڤ یێك ژ هێلا رێخستنێن ناڤده‌وله‌تی و رێخستنێن پاراستنا مافێن زارۆكان ڤه ته‌سپیت كری یه.
