ب ئێریشێن ئاسمانی و به‌ژاهی یێن ئارتێشا تركیێ، چه‌كداره‌كی په‌كه‌كێ و دو چه‌كدارێن یه‌په‌گێ باسكێ له‌شكه‌ری یێ په‌كه‌كێ ل رۆژئاڤا كوردستانێ هاتن كوشتن.
وه‌زاره‌تا پاراستنا نه‌ته‌وی یا تركیێ راگهاند دوهـ 26 ته‌باخا 2024ێ ئێریش ل دژی رێخستنا په‌كه‌كێ ل هه‌رێمێن ئۆپه‌راسیۆنێن په‌نجه و كانیا ئاشتیێ پێكهاتنه، 3 چه‌كدارێن په‌كه‌كێ و یه‌په‌گێ كه‌تن به‌ر ئێریشان.
ل گۆری داخویانییا وه‌زاره‌تێ، چه‌كداره‌كی په‌كه‌كێ ل باشوورێ كوردستانێ و دو چه‌كدارێن یه‌په‌گێ ل رۆژئاڤا كوردستانێ بوونه ئارمانج.
وه‌زاره‌تا پاراستنا نه‌ته‌وی یا تركیێ ده‌ستنیشان كر، ئێریشێن وان ب بریارداری ل دژی په‌كه‌كێ وێ بدۆمن.
