ناسنامه‌یا هنه‌ك جوانێن دن یێن كوردان ئاشكه‌ره بوو كو سێ سالان به‌رێ ئانگۆ ل 27 ته‌باخا 2021ێ په‌كه‌كێ ئه‌و دا بوون كوشتن و هه‌یا رۆژا مه یا ئیرۆ مرنا وان ڤه‌شارتی هشتبوو، هنه‌ك ژێ كه‌چن و هێژان د ته‌مه‌نا زارۆكتیێ ده نه.
هه‌په‌گێ باسكێ له‌شكه‌ری یێ په‌كه‌كێ ئیرۆ 27 ته‌باخا 2024ێ ناسنامه‌یا 3 چه‌كدارێن خوه یێن كو 3 سالان به‌رێ ل مه‌تینی هاتنه كوشتن ئیفشا كر، ئانگۆ 3 سالان مرنا وان ڤه‌شارتی هشتبوو.
هه‌ر وها دوهـ رۆژا دوشه‌می 26ی ته‌باخێ ژی ناسنامه‌یا دو كه‌چێن دن كو هێژان د ته‌منا زارۆكتیێ ده نه هات ئیلان كرن، ئه‌و ژی په‌كه‌كێ ل نیسانا ئیسال 2024ێ ل خاكوركێ داینه كوشتن و مرنا وان ژی ڤه‌شارتی هشتبوو.
ناڤێن وان ووسایه:
نوور به‌هار مه‌همه‌د ژ رهایێ.
به‌هار عه‌بدوللا ژ شرنه‌خێ.
ئه‌حمه‌د عه‌بدولره‌حمان ژ نسێبینێ.
سادق ئه‌مین ژ شرنه‌خێ.
عومه‌ر حسێن ژ وانێ.
په‌كه‌كێ د په‌سنێ ڤان جوانان ده وه‌كه ته‌ڤ جوانێن دن یێن كو هاتنه خاپاندن و به‌رێ وان دایه مرنێ، ته‌نێ گۆتیه كو فه‌دایێ ئاپۆ بوون.
په‌كه‌كه هه‌ر رۆژ وێنه‌یێن كۆمێن جوانێن كوردان د مه‌دیایا خوه ده پارڤه‌دكه، جوانێن كو د سال و مه‌هێن به‌رێ ده داینه كوشتن و مرنا وان ڤه‌شارتی هشتی، ل گۆری ئاگاهیێن داركا مازی هێژان ب سه‌دان جوان مانه كو په‌كه‌كێ مرنا وان ئیلان نه‌كریه.
