هه‌سه‌دێ كه‌چه‌ك ره‌ڤاند و ب دارێ زۆرێ چه‌كدار كر

هێزێن سووریه‌یا ده‌مۆكراتیك كه‌چه‌كا ته‌مه‌ن 19 سالی ژ باژارێ منبجێ ره‌ڤاندن و ب دارێ زۆرێ ل یێك ژ سه‌ربازگه‌هێن خوه‌ دانان.

تۆرا مافێن مرۆڤان یا سووریه‌یێ ئاشكه‌ره‌ كر كو چه‌كدارێن هێزێن سووریه‌یا ده‌مۆكراتیك هه‌سه‌دێ كه‌چه‌كه‌كا ته‌مه‌ن 19 سالی كو ژ تاخا زاویه‌ یا باژارێ منبجێ ب ره‌ڤاند و ب دارێ زۆرێ ڤه‌گوهه‌ستیه‌ یێك ژ بنگه‌هێن خوه‌ یێن په‌روه‌رده‌یا له‌شكری ژ بۆ و وی بكن چه‌كدار.

تۆرا مافێن مرۆڤان ده‌ستنیشان كر، چه‌كدارێن كو ئه‌و كه‌چ ره‌ڤاندی، مۆبیلا وێ ژێ وه‌رگرتنه‌ و نه‌هشتییه‌ ئه‌و پێوه‌ندیێ ب مالباتا خوه‌ بكه‌.

ل گۆری تۆرا مافێن مرۆڤان، مالباتا كه‌چێ نیگه‌رانه و ترس هه‌یه‌ كو كه‌چا وان ل سه‌ر ده‌ستێ هه‌سه‌دێ راستی ئیشكه‌نجه‌یێ وه‌ره‌.

ته‌ڤی په‌یمانێن كو مه‌زلووم عه‌بدی فه‌رماندارێ هه‌سه‌دێ ب هێزێن هه‌ڤپه‌یمان ره‌ ئیمزه‌ كرین، لێبه‌لێ هێژان ره‌ڤاندنا زارۆكان و چه‌كداركرنا وان د ناڤا هه‌سه‌دێ و باسكێن دن یێن په‌كه‌كێ ده‌ ل رۆژئاڤا كوردستانێ ده‌وام دكه‌، پرانییا زارۆكێن كو تێن ره‌ڤاندن ژ هێلا رێخستنا چه‌ته‌ یا ب ناڤێ جوانێن شۆره‌شگه‌ره‌ كو ب فه‌رمانا قه‌ندیلێ و سه‌رپه‌رشتییا گه‌نه‌رال مه‌زلووم ته‌ڤ دگه‌ره‌.