ھێزێن ئەولەکاریا ھوندرین (ئاسایش)ێ دیار کر، ئۆتۆمۆبیلا ل قامشلۆیێ تەقیە، ژ بەر چاندنا مایینەکێ د ھوندرێ ئۆتۆمۆبیلێ دە بوو.
ناڤەندا راگھاندنێ یا ھێزێن ئەولەکاریا ھوندرین ئیرۆ 28 تەباخێ دەربارێ تەقینا ئۆتۆمۆبیلەکێ ل ناڤا باژارێ قامشلۆ و شەھیدبوونا 2 وەلاتیان دە داخویانیەک بەلاڤ کر.
د داخویانیێ دە ھات گۆتن، ئیرۆ دانێ نیڤرۆ، ل قامشلۆیێ ئۆتۆمۆبیلەک ل ھەمبەر ناڤەندا پۆستێ یا تاخا عەنتەریێ تەقیا. د ئەنجامێ دە، ژنەک و کورێ وێ ڤە شەھید بوون.
ل گۆری لێکۆلینێن ھێزێن ئاسایشێ، سەدەما تەقینێ ئەوە کو مینەک ل ھوندرێ ئۆتۆمۆبیلێ دە ھاتبوو چاندن.
ئاسایش دبێژە، ھێزێن وان دەست ب لێپرسینێن بەرفرەھ ژ بۆ ئاشکەراکرنا تەقینێ کرن و بانگ ل وەلاتیان کر، چ تەڤگەرێن ب گومان ھەبن، ھێزێن ئاسایشێ ئاگاھدار بکن.
پێشتر مەدیایا سەر ب رێڤەبەریا خوەسەر ڤە راگھاندبوو، ئەو ئۆتۆمۆبێل ژ ئالیێ درۆنەکا ترکیەیێ ڤە ھاتیە بۆمبەبارانکرن.
