ئەندامێن رێخستنا چەتە یا ب ناڤێ “جوانێن شۆرەشگەر” یا گرێدایی پارتیا کارکەرێن کوردستانێ زارۆکەکی تەمەن بچووک ژ باژارێ کۆبانییێ کو د بن کۆنترۆلا ھێزێن سووریەیا دەمۆکراتیک دەیە رەڤاند.
ل گۆری چاڤکانیێن ھەرێمی، دوهـ رۆژا چارشەمبێ 28/8/2024ێ زارۆکێ ب ناڤێ عەگید خالد مسلمان ژ ئالیێ چەتەیێن پەکەکێ “جوانێن شۆرەشگەر” ڤە ھات رەڤاندن و بەر ب کامپێن لەشکەرکرنا زارۆکان ل باژارێ کۆبانیێ ڤە ھات برن.
عەگید ژ ھەرێما کۆبانێ یە و د 6ێ نیسانا 2011 دە ژ دایک بوویە و ناڤێ دایکا وی خەدیجە یە.
تێ زانین فەرماندارێ ھێزێن سووریا دەمۆکراتیک مەزلووم کۆبانێ د سالا 2019 دە لگەل ڤێرجینیا گامبا نوونەرا نەتەوێن یەکگرتی بۆ کارووبارێن زارۆکان، ل سەر پەیمانەکێ ئیمزە کربوو، کو ئێدی زارۆکان تەڤلی ھێزێن خوە نەکە و زارۆکێن د ناڤ دە سەربەست بەردە، لێ تا نھا چ پابەندی ب وێ پەیمانێ نەھاتیە کرن، ھەر دەم چەکدارێن ب ناڤ و رەنگێن جودا د ناڤا هەسەدێ دە زارۆکان درەڤینن و تەڤلی لەشکەریا نەچاری دکن.
ل گۆری چاڤدێران ئارمانجا چەتەیێن ب ناڤێ “جوانێن شۆرەشگەر” ژ رەڤاندنا زارۆکێن تەمەن بچووک، شووشتنا مەژیێ زارۆکان ل گۆر بیردۆزیێن پارتیا کارکەرێن کوردستانێ و تەڤلیکرنا وان د ناڤا رەفێن لەشکەری یێن پارتیێ دەیە.
