فەرمانداریا ئۆپەراسیۆنێن کەرکووکێ: مە درۆنەکە نەناس ل کەرکووکێ خست خوارێ

فەرمانداریا ئۆپەراسیۆنێن کەرکووکێ راگھاند، وان درۆنەکە نەناس ل باکورێ کەرکووکێ خستیە خوارێ، ژ بەر کو دەستوورا وێ یا فرینێ تونە بوو.

ل گۆر ئاگاهیان، دەستپێکێ دەنگێ چەند تەقینان ھات بھیستن و پشترە ژی درۆنەکە نەناس ل ناڤەندا باژارێ کەرکووکێ کەتە خوارێ.

درۆنا نەناس ل سەر جادەیا قودسێ کەت خوارێ و ھێزێن ئەولەھیێ جھێ بوویەرێ دۆرپێچ کرن و ئاژانسێن ئیستخباراتێ ل سەر چاڤکانیا درۆنێ دەست ب لێکۆلینێ کرن.

ل گۆر زانیاریێن پۆلیسێن کەرکووکێ، د ئەنجاما کەتنا درۆنێ دە چ زیانێن جانی چێنەبوونە، لێ زیانێن مادی تەنێ گھیشتنە مالا وەلاتیەکی، ژ بەر کو بەشەکێ درۆنێ کەتیە حەوشا مالێ و ئاگر پێ کەتیە و پشترە ژ ئالیێ تیمێن بەرەڤانیا شارستانییا کەرکووکێ ڤە ھاتیە کۆنترۆلکرن.