چالاکڤانێ مافێ مرۆڤان ل رۆژئاڤایێ کوردستانێ راگەھاند، ژ دەستپێکا ئیسال ڤە چەکدارێن پەکەکێ ل رۆژئاڤایێ کوردستانێ 75 کەچ و خۆرت رەڤاندنە.
چالاکڤانێ مافێ مرۆڤان مەحموود عەلۆ راگەھاند، ژ دەستپێکا ئیسال ڤە ھەتا نھا مەھا تەباخێ، چەکدارێن پەکەکێ ل رۆژئاڤایێ کوردستانێ 75 کەچ و خۆرتێن زارۆک رەڤاندنە و ئارمانجا رەڤاندنا وان زارۆکان ژی ژ بۆ ناڤ یەکینەیێن خوەیێن لەشکەری دە بجیھ بکن و ئەڤ یەک بەرەڤاژی یاسایێ یە.
ھەروەھا گۆت، ئەو کەسێن کو پەکەکێ ل رۆژئاڤایێ کوردستانێ رەڤاندنە تەمەنێ وان د ناڤبەرا 12 ھەتا 16 سالانە و ئەو برنە بۆ لەشکەرگەھێن ھەسەدێ یێن ل ناڤچەیێن جودایێن رۆژئاڤایێ کوردستانێ.
چاڤدێر ئاماژە ب وێ یەکە دکن کو ئەو کریارێن پەکەکێ دکەڤن ناڤ خانەیا تاوانێن مەزن، ژ بەر کو پەکەکە ب زۆرێ وان زارۆکان دبە و وان دکە لەشکەر و پشترە بەشداری شەر دکە.
