کارکەرێن کورد یێن چاندنیێ ل ھەرێما دەریا رەش ل باژارێ سامسوونێ راستی ئێریشێن چەکداری و نژادپەرەستی ھاتن. دەم پارتی دبێژە، ژیانا 200 کارکەرێن کورد د مەترسیێ دەیە.
پارلامەنتەرا دەم پارتیێ یا رحایێ دیلان ئایان، ل سەر تۆرێن جڤاکی دا خویاکرن، 200 کارکەرێن کورد و زار و زێچێن خوە کو ژ بۆ کارێن چاندنیێ ژ رحایێ چوونە سامسوونێ راستی ئێرشەکا تەقەکرنێ ھاتنە.
دیلان ئایان دا زانین، د ئێریشێ دە گولە ل پەنجەرە و دیوارێن خانیێن کارکەران کەتنە و کارکەران ب خوە ئەو دیمەن گھاندنە وان.
ھەروھا گۆت، ھێزێن ئەولەکاریێ ژ دوور ڤە تەماشەشێ بوویەرێ کرنە و رەخنە ل دەستھلاتێ گرت کو د دەمەکە نێزیک دە چەندین ئێرشێن نژادپەرەستی ل دژی کوردان ھاتنە کرن.
