ئارتێشا تركیێ ب ئێریشێن ئاسمانی، ئیرۆ 6 چه‌كدارێن په‌كه‌كێ/یه‌په‌گێ كرنه ئارمانج، 3 ژێ ل باشوورێ كوردستانێ نه.
وه‌زاره‌تا پاراستنا نه‌ته‌وی یا تركیێ راگهاند، ئیرۆ رۆژا شه‌می 31/8/2024ێ ب ئێریشا ئاسمانی، 6 چه‌كدارێن په‌كه‌كێ ل هه‌رێما ئۆپه‌راسیۆنا په‌نجه هاتن هه‌ده‌ف گرتن.
هه‌ر وها ل هەرێما مەرتالا فەراتێ یا ل باکورێ سووریەیێ ژی 3 چه‌كدارێن یه‌په‌گێ (باسكێ له‌شكه‌ری یێ په‌كه‌كێ) كه‌تن به‌ر ئێریشا بالافرێن شه‌ر.
ئارتێشا تركیێ ژ مه‌ها خزیرانێ ڤه، قووناغه‌كه نوو ژ ئۆپه‌راسیۆنا په‌نجه ل دژی په‌كه‌كێ ل باشوورێ كوردستانێ ده‌ستپێكریه، رۆژانه گوندێن پارێزگه‌ها دهۆكێ د ڤێ ئۆپه‌راسیۆنێ ده تێن بۆردومان كرن، رووبه‌رێن هه‌ری به‌رفه‌ره‌هـ یێن ئاقارێن گوندان شه‌وتینه و زراره‌كه مه‌زن چێبوویه.
