فه‌رماندار و ئه‌ندامه‌كێ كۆنسه‌یا هه‌په‌گێ باسكێ له‌شكری یێ په‌كه‌كێ یێ ب ناڤێ ئۆرهان د ئێریشه‌كه هه‌وایی ده هاتیه كوشتن، په‌كه‌كێ ژ حه‌زیرانا ئیسالێ ڤه كوشتنا وی ڤه‌شارت بوو.
رێخستنا په‌كه‌كێ دوهـ رۆژا ئینی 30 ته‌باخا 2024ێ ناسنامه‌یا فه‌رمانداره‌كی هه‌په‌گێ یێ ب ناڤێ عه‌لی دینچه‌ر ب ناڤێ كۆد ئۆرهان جیهات بینگۆل ئاشكه‌ره كر كو ئه‌ڤ نێزی 3 مه‌هانه ل باشوورێ كوردستانێ كه‌تیه به‌ر ئێریشه‌كه هه‌وایی و هاتبوو كوشتن.
ئۆرهان كو ئه‌ندامێ كۆنسه‌یا هه‌په‌گێ یه، ل 6 هه‌زیرانا ئیسال 2024ێ ژ هێلا بالافرێن شه‌ر ڤه هاتبوو هه‌ده‌ف گرتن و رێخستنێ پاش ده‌رباسبوونا 84 رۆژان ژ نوو ڤه كوشتنا وی ئیلان كر.
ئۆرهان ل سالا 1966ێ ژ داییكبوویه، 33 سالان د ناڤا رێخستنا په‌كه‌كێ ده یه و گه‌له‌ك ئه‌رك و به‌رپرسیاری وه‌رگرتنه، هه‌ری داوی ئه‌ندامێ كۆنسه‌یا هه‌په‌گێ باسكێ له‌شكه‌ری یێ رێخستنێ بوو.
