ناسنامه‌یا سێ كه‌چێن دن یێن كوردان ئاشكه‌ره بوو كو مه‌هه‌كێ به‌رێ رێخستنا په‌كه‌كێ ئه‌و داینه كوشتن و مرنا وان ل مالباتێن وان ڤه‌شارتی یه.
هه‌په‌گێ باسكێ له‌شكه‌ری یێ په‌كه‌كێ وه‌كه هه‌ر رۆژ ناسنامه‌یا 3 چه‌كدارێن خوه یێن دن ئاشكه‌ره كر كو ل 31 تیرمه‌ها ئیسالێ ل هه‌رێما بۆتانێ یا ل باكورێ كوردستانێ كه‌تنه به‌ر ئێریشێن ده‌وله‌تا ترك و ژیانا خوه ژ ده‌ست دا نه.
ئه‌ڤ 3 كه‌چێن كو په‌كه‌كێ به‌رێ وان دایه مرنێ ناسنامه‌یا وان ووسایه:
مه‌ریه‌م ئه‌حمه‌د ژ شرنه‌خێ.
به‌توول نه‌سره‌ددین ژ چه‌ولیكێ.
هاجه‌ر حاجی ژ جۆله‌مێرگێ.
رێخستنا په‌كه‌كێ ئه‌ڤ سێ كه‌چه وه‌كه ب هه‌زاران كه‌چێن دن یێن كوردان خاپاندن و ب ناڤێ به‌رخوه‌دانێ به‌رێ وان دا مرنێ.
رێخستنا په‌كه‌كێ هه‌ر رۆژ وێنه‌یێن كۆمێن كه‌چ و جوانێن كوردان به‌لاڤ دكه یێن كو د سالێن به‌رێ ده فه‌دا كرین و پاش ده‌رباسبوونا ده‌مه‌ك درێژ ژ نوو ڤه مرنا وان ئیلان دكه، تێ ته‌خمین كرن ب هه‌زاران جوانێن كورد مابن كو هێژان په‌كه‌كێ ناسنامه‌یا وان ئیفشا نه‌كربه.
