ل ئامەدێ هەرێما چیایێ گۆروسێ و هەرێما د ناڤبەرا گوندێن شینگرنگا ژۆرین، پریژمان و هەریدانێ دە 15 رۆژان وەکی «هەرێما ئەولەهیا تایبەتا دەمکی» هاتن راگهاندن.
پارێزگاریا ئامەدێ راگهاند کو ل ناڤچەیا پیرانێ هەرێما د ناڤبەرا گوندێن شینگرنگا ژۆرین، پریژمان و هەریدان و هەرێما چیایێ گۆروس ژ 3ێ ئیلۆنێ هەتا 17ێ ئیلۆنێ 15 رۆژان وەکی «هەرێما ئەولەهیا تایبەتا دەمکی» هاتنە راگهاندن.
پارێزگاریێ د داخویانیا خوە دە ئانی زمان:
«بریارا قەدەغەیێ ب ئارمانجا، دابینکرنا ئەولەهیا نەتەوەیی، پاراستنا ئەولەهیا رایا گشتی، پاراستنا ئاساییشا گشتی و ماف و ئازادیێن بنگەهین و رێگریکرنا تاوانان هاتیە وەرگرتن».
پارێزگاریێ هەر وها دیار کر، چوویینا وەلاتیان یا «هەرێما ئەولەهیا تایبەتا دەمکی» ژ بۆ پاراستنا جان و مالێ وان قەدەغەیە و کەسێن بچن دێ وەرن جەزاکرن.
