15 چه‌كدارێن پارتیا كاركه‌ران «په‌كه‌كێ» ئیرۆ ل چیایێن گاره و مه‌تینایێ یێن ل باشوورێ كوردستانێ كه‌تن به‌ر ئێریشێن بالافرێن شه‌ر یێن تركیێ، هه‌موه‌خت دو چه‌كدارێن یه‌په‌گێ ژی ل رۆژئاڤا كوردستانێ هاتن هه‌ده‌ف گرتن.
ئاژانسا ئه‌نادۆلێ ژ وه‌زاره‌تا پاراستنا نه‌ته‌وی یا تركیێ ڤه‌گوهه‌ستیه كو ئیرۆ رۆژا یه‌كشه‌می 1 ئیلۆنا 2024ێ ئێریشێن هه‌وایی ل چیایێ گاره و مه‌تینایێ پێكهاتنه، 15 چه‌كدارێن رێخستنا په‌كه‌كێ كه‌تن به‌ر ئێریشان و هاتنه كوشتن.
ده‌ستنیشان كر، هه‌موه‌ختا ئۆپه‌راسیۆنێن ل هه‌رێما په‌نجه، ل هه‌رێما مه‌رتالا فه‌راتێ یا ل باكورێ سووریێ ژی ئۆپه‌راسیۆن پێكهاتنه و 2 چه‌كدارێن یه‌په‌گێ باسكێ له‌شكه‌ری یێ په‌كه‌كێ بوونه ئارمانج.
ئارتێشا تركیێ رۆژا ئینی ژی هه‌ده‌فگرتنا 12 چه‌كدارێن په‌كه‌كێ 6 ژێ ل باشوورێ كوردستانێ راگهاندبوو و ئاشكه‌ره كر كو ئۆپه‌راسیۆنێن وان یێن ل دژی په‌كه‌كێ بێ ناڤبر وێ بدۆمن.
