پارێزگاریا ل سه‌ر ته‌وانا كوشتنا گه‌نجێ دهۆكێ یێ ب ناڤێ حه‌كیم لوقمان كو دوهـ ل ستەنبۆلێ راستی ئێریشا ب كێركێ هات، شانده‌یه‌ك ئه‌ركدار كر.
کارسازێ ژ دهۆکێ یێ ب ناڤێ حه‌كیم لوقمان ل باژارێ ستەنبۆلێ ژ بەر کو ب کوردی د ئاخڤی ژ ئالیێ 12 کەسان ڤە ب کێرێ هات کوشتن.
د ڤێ ده‌ربارێ ده ئالیکارێ پارێزگارێ ستەنبۆلێ، بورۆیێن جینایەت و ئاساییشێ یێن رێڤەبەریا ئەولەهیێ یا ستەنبۆلێ ل نۆشدارییا دادێ یا ستەنبۆلێ لێکۆلینێ دکن.
کۆنسولخانەیا گشتی یا ئیراقێ یا ستەنبۆلێ، ژ بۆ كو بوویەرێ بشۆپینە دیپلۆماتێ ب ناڤێ تاهر رەسوول ئەرکدار کر. رەسوول دێ هەرە نۆشدارییا داد یا ستەنبۆلێ و ژ بەرپرسێن ترکیەیێ ئاگاهیان وەرگرە.
کارسازێ ب ناڤێ حه‌كیم لوقمانێ ژ دهۆکێ، ل ناڤچەیا فاتیحێ یا ستەنبۆلێ راستی ئێرشا ب کێران هات و ژیانا خوە ژ دەست دا.
دوهـ ب شەڤ 10-12 کەسان ژ بەر ئاخافتنا ب زمانێ کوردی ئێرشی كارسازێ دهۆكێ حه‌كیم لوقمان و برازیەک و پسمامەکی وی کرن. کەسێن کو ئێرش کری ژ جهێ بوویەرێ رەڤیان.
جەنازەیێ حه‌كیم لوقمان ژ بۆ ئۆتۆپسیێ ل سازیا نۆشدارییا دادێ یا ستەنبۆلێ هاتیه شاندن.
