ل گوندێ تل قەراحێ ل ھەرێما شەھبایا ل باکورێ حەلەبێ، 3 زارۆکێن دەربدەرێن عەفرینێ د تەقینەکێ دە بریندار بوون.
رەوانگەھا سووری بۆ مافێ مرۆڤان بەلاڤ کر، ل گوندێ تل قەراح دوھی 1 ئیلۆنێ د ئەنجاما تەقینا مینەکا شەری دە، 3 زارۆکێن دەربدەرێن عەفرینێ یێن تەمەنێ وان د ناڤبەرا 8 – 11 سالیێ دە بوون، بریندار بوون.
ھەرێما شەھبایێ د ناڤبەرا عەفرین و حەلەبێ دەیە و د دەستێ یەکینەیێن پاراستنا گەل (یەپەگێ) دەیە. دەما ئارتێشا ترکیێ و گرۆپێن چەکدارێن سەر ب وێ ڤە د چلەیا 2018 دە ئێریشی سەر عەفرینێ کرن، دۆرا 150 ھەزار عەفرینی ل کامپ و گوندێ وێ ھەرێمێ بجھ بوونە.
ل گۆری رەوانگەھێ، ژ دەستپێکا مەھا چلەیا 2024، 130 سڤیلان د ئەنجاما تەقینا مین و پاشمایێن شەر دە جانێ خوە ژدەست دانە کو د ناڤا وان دە 46 زارۆک و 22 ژن ھەنە و 171 کەسێن سڤیل ژی بریندار بوونە کو د ناڤ وان دە 19 ژن و 86 زارۆک ھەنە.
