ناسنامه‌یا دو چه‌كدارێن دن یێن په‌كه‌كێ ئاشكه‌ره بوو كو سێ سالان به‌رێ هاتبوونه كوشتن و رێخستنێ مرنا وان ل مالباتێن وان ڤه‌شارتبوو.
هه‌په‌گێ ئیرۆ رۆژا دوشه‌می 2 ئیلۆنا 2024ێ ناسنامه‌یا دو چه‌كدارێن خوه ئاشكه‌ره كر كو ل 5ی ئیلۆنا سالا 2021ێ ل باشوورێ كوردستانێ كه‌تبوون به‌ر ئێریشێن ده‌وله‌تا ترك و ژیانا خوه ژ ده‌ست دا بوو و ژ نوو ڤه ئیرۆ پاش ده‌رباسبوونا 3 سالان رێخستنێ مرنا وان ئیفشا كر.
ناڤێن وان ووسایه:
عوبه‌یدوللا ئۆرهان ژ سته‌نبۆلێ.
نعمه‌ت مه‌حموود ژ شرنه‌خێ.
هپگیێ دەستنیشان کر کو ئه‌ڤ هه‌ردو چه‌كدار ل سالێن 2011 و 2012ێ ته‌ڤلی ره‌فێن په‌كه‌كێ ببوون.
رێخستنا په‌كه‌كێ هه‌ر رۆژ وێنه‌یێن كۆمێن كه‌چ و جوانێن كوردان به‌لاڤ دكه یێن كو د سالێن به‌رێ ده فه‌دا كرین و پاش ده‌رباسبوونا ده‌مه‌ك درێژ ژ نوو ڤه مرنا وان ئیلان دكه، تێ ته‌خمین كرن ب هه‌زاران جوانێن كورد مابن كو هێژان په‌كه‌كێ ناسنامه‌یا وان ئیفشا نه‌كربه.
