بالافرێن شه‌ر یێن ئارتێشا تركیێ 20 پێگه‌هێن چه‌كدارێن په‌كه‌كێ ل هه‌رێمێن زاپ، گاره، مه‌تینایێ، خاكورك، ئاسۆس و قه‌ندیلێ بۆمبه‌باران كرن، هه‌ژماره‌كه چه‌كداران كوشتنه و د ناڤا وان ده كه‌سێن ل ئاستا به‌رپرسیاریێ هه‌نه.
وه‌زاره‌تا پاراستنا نه‌ته‌وی یا تركیێ ئیرۆ رۆژا سێشه‌مێ 3 ئیلۆنا 2024ێ به‌لاڤ كر كو ب ئێریشا ئاسمانی ل هه‌رێمێن زاپ، گاره، مه‌تینایێ، خاكورك، ئاسۆس و قه‌ندیلێ، پێگه‌هێن په‌كه‌كێ بوونه ئارمانج، 20 پێگه‌هـ هاتنه ژناڤبرن.
ده‌ستنیشان كر، هه‌ژماره‌كه چه‌كداران هاتنه كوشتن، د ناڤ وان دا چه‌كدارێن بەرپرس ژی هەبوون.
د داخویانییا وەزارەتێ دا هات گۆتن ژ بۆ کو په‌كه‌كه بێن بێباندۆرکرن، ئێریشێن وان یێن ل دژی رێخستنێ وێ بێناڤبر بدۆمن.
هات گۆتن 20 هەدەفێن كو هاتنه ژناڤبرن، ژ شکەفت، کۆزک، ستارگەهـ، دەپۆ و تەسیسێن کو رێخستنا په‌كه‌كێ ب کار تینە پێک تێن.
