رێخستنا چەتە یا ب ناڤێ “جوانێن شۆرەشگەر” یا سەر ب پارتیا کارکەرێن کوردستانێ ڤە، کەچەکە تەمەن بچووک ژ باژارێ دربێسیێ ب ئارمانجا تەڤلیکرنا وێ د ناڤا رەفێن پارتیێ دە رەڤاند.
ل گۆری تۆرا چاڤدێریا مافێن مرۆڤان یا سووریێ، رێخستنا جوانێن شۆرەشگەر د 27 تەباخا 2024 دە کەچا ب ناڤێ لییا راکان ئەل-نووح یا 13 سالی ژ گوندێ تلیلوونێ یێ سەر ب دربێسیێ ڤە رەڤاندیە.
مالباتا ڤێ کەچا رەڤاندی تەڤی ھەولێن خوەیێن سەرەدانا ناڤەندێن گرێدایی پارتیا یەکیتیا دەمۆکراتیک و ھێزێن سووریا دەمۆکراتیک، ھینا نەکارینە دەربارێ چارەنڤیسا کەچا خوە دە ت ئاگاھیان ب دەست بخن.
مالباتێ ژ سازی و دەزگەھێن جڤاکا سڤیل یێن ب مافێن زارۆکان رە ئەلەقەدارن، داخوازنامەیەک شاند و تێ دە ژ وان خوەست دەملدەست موداخێ بکن کو جھێ زارۆکێ وەرە ئەشکەرەکرن و رادەستی مالباتا وێ وەرە کرن.
گرووپا جوانێن شۆرەشگەر گرووپەکا چەتەیێن رۆژئاڤایێ کوردستانێ یە کو پرانیا وان گەنجێن ژ قۆتابخانەیێ ڤەقەتیایی نە و بێ کارن و راستە راست ب فەرمانا پەکەکێ کار دکەن.
