ب سه‌ده‌ما لڤ و ته‌ڤگه‌رێن ب گومان یێن په‌كه‌كێ، بالافرێن شه‌ر یێن ده‌وله‌تا ترك ب ده‌هان بۆمبه و مووشه‌ك ل سه‌ر هه‌ژماره‌كه گوند و هه‌رێمێن دیار یێن پارێزگه‌ها دهۆكێ باراندن.
چاڤكانیێن داركا مازی ئاشكه‌ره كر، ژ 29/82024 هه‌یا 2/9/2024 بالافرێن شه‌ر یێن تركیێ هه‌ژماره‌كا گوندێن دهۆكێ ل ده‌ڤه‌رێن به‌رواری بالا و نهێلێ بۆردومان كرنه و زراره‌ك پر مه‌زن ب خوه‌زا و ئاقارێ وان هه‌رێما گهاندیە.
چاڤكانیێن داركا مازی ده‌ستنیشان كر، سه‌ده‌ما ئێریشێن به‌رده‌وام یێن ده‌وله‌تا ترك ل سه‌ر گوندێن دهۆكێ بۆ لڤ و ته‌ڤگه‌ر ب گۆمان یا چه‌كدارێن په‌كه‌كێ ڤه‌دگه‌ره كو رێخستن دخوازه ئه‌ڤ گوندە وه‌رن ڤالا كرن و ببن قادێن شه‌ر.
ئێریشێن ترکیەیێ ب ڤی ئاوا بوونە:
29/8/2024
دەمژمێر 12:20 هەیانی 12:40 نیڤرۆژێ، بالافرێن شەر یێن ترکیەیێ گەلیێ بازێ و گوندێ شێلازا یێ سەر ب دەڤەرا بەرواری بالا بۆمبەباران کرنە.
30/8/2024
دەمژمێر 5:52 ئێڤارێ، بالافرێن شەر یێن ترکیەیێ پشتا گوندێ دێرەشێ- چیایێ بێسمتێ ل هنداڤی گوندێ گیزێ یێن سەر ب دەڤەرا بەرێ گارێ بۆمبەباران کرنە، هەر وەها د هەمان دەم دە تونەلا پەکەکێ یا دکەڤە هنداڤی گوندێ گوهەرزێ یێ سەر ب ناحیا دێرالۆکێ ڤە بۆمبەباران کرینە.
دەمژمێر 10:55 هەیانی 11:30 شەڤێ، دو هەلیکۆپتەرێن شەر یێن لەشکەرێ ترکیەیێ گەلیێ بازێ، گەلیێ دەرگەلا مووسابەگێ و گوندێ شێلازا یێن سەر ب ناحیا کانیماسێ ب چەکێ دۆشکا ئارمانج کرنە.
31/8/2024
دەمژمێر 1:26 شەڤێ، هەلیکۆپتەرێن شەر یێن لەشکەرێ ترکیەیێ دەریێ بێرا و تونەلا هنداڤی گوندێ گوهەرزێ یێ دەڤەرا نهێلێ بۆمبەباران کرنە.
دەمژمێر 11:30 شەڤێ، بالافرێن شەر یێن دەولەتا ترکیەیێ گەلیێ بێشیلێ یێ سەر ب دەڤەرا بەرواری بالا ڤە بۆمبەباران کریە.
دەمژمێر 8:40 شەڤێ، هەلیکۆپتەرێن ترکیەیێ گەلیێ بازێ یێ سەر ب دەڤەرا بەرواری بالاڤە ب چەکێ دۆشکا ئارمانج کریە.
1/9/2024
دەمژمێر 3:33 نیڤرۆژێ، بالافرێن شەر یێن ترکیەیێ جارەکە دن تونەلا پەکەکێ یا دکەڤە چیایێ مەتینا ل هنداڤی گوندێ گوهەرزێ بۆمبەباران کریە.
دەمژمێر 9:45 هەیانی 10:25 شەڤێ، هەلیکۆپتەرێن شەر یێن ترکیەیێ پشتا گەلیێ بازێ و گەندێ دەرگەلا مووسابەگێ یێن سەر ب دەڤەرا بەرواری بالا ڤە ب چەکێ دۆشکا ئارمانج کرنە.
2/9/2024
دەمژمێر 11:38ێ شەڤێ، هەلیکۆپتەرێن لەشکەرێ ترکیەیێ تونەلا پەکەکێ یا دکەڤە هنداڤی گوندێ گوهەرزێ جارەکە دن ئارمانج کریە.
دەمژمێر 6:30 ئێڤارێ، بالافرێن شەر یێن ترکیەیێ جارەکە دن چیایێ بێسمتێ ل هنداڤی گوندێ گیزێ بۆمبەباران کریە.
دەمژمێر 5:15 ئێڤارێ، بالافرێن شەر یێن ترکیەیێ سەرێ چیایێ گارە ل باکورێ رۆژهلاتێ ناحیا چەمانکێ بۆمبەباران کریە.
ژ گولانا ئیسال 2024ێ ڤه و پاش دژواربوونا ئێریشێن ده‌وله‌تا ترك، رێخستنا په‌كه‌كێ ب ئه‌نقه‌ست چه‌كدارێن خوه دشینه دۆربه‌را گوندێن پارێزگه‌ها دهۆكێ، ئه‌ڤ گوند ده‌وام دكه‌ڤن به‌ر ئێریشان و ڤێ نیگه‌رانیه‌ك مه‌زن ل جه‌م شێنییان چێكریه و په‌كه‌كه ڤێ یه‌كێ ب زانه‌بوون دكه و دخوازه ئه‌و گوند و هه‌رێمێن دهۆكێ وه‌رن ڤالا كرن.
