د 4 رۆژێن رابووری ده، ب ئێریشێن ئاسیمانی 27 چه‌كدارێن پارتیا كاركه‌ران ل هه‌رێما كوردستانێ هاتنه كوشتن و په‌كه‌كێ مرنا ت یێك ژ وان رانه‌گهاندیه.
وەزارەتا پاراستنا نەتەوەیی راگهاند کو د ئەنجاما ئێریشێن ئاسیمانی دا ل دەڤەرێن مەتینا، زاپ، گارە، خاکورک، قەندیل و ئاسۆسێ یێن ل هه‌رێما كوردستانێ، د 4 رۆژێن داوین دا 27 چه‌كدارێن په‌كه‌كێ هاتن كوشتن.
د داخویانیا وەزارەتێ دا وها هات گۆتن:
د 2یێ ئیلۆنا 2024ان دا د ئەنجاما ئۆپەراسیۆنێن ئاسیمانی یێن ل دژی په‌كه‌كێ ل دەڤەرێن مەتینا، زاپ، گارە، خاکورک، قەندیل و ئاسۆسێ، ل گۆری تەسبیتێن بەراهی هەری کێم 20 چه‌كدارێن په‌كه‌كێ هاتن كوشتن. ل هەرێمێ خەباتێن هەدەفگرتنێ بەردەوامن.
هەر وها ل دەڤەرا خاکورکێ ب ئۆپەراسیۆنەکە ئاسیمانی 7 چه‌كدارێن دن هاتن كوشتن. ب ڤێ را هەژمارا چه‌كدارێن په‌كه‌كێ کو د 4 رۆژێن داوین دا هاتن كوشتن، بوو 27.
