ئیستخباراتا ده‌وله‌تا ترك ئیرۆ راگهاند كو ب ئۆپه‌راسییۆنه‌كه تایبه‌ت كو ل باژارێ سلێمانیێ پێكهاتیه، به‌رپرسا په‌كه‌كێ یا ب ناڤێ سالیحا ئاكبیك ب ناڤێ كۆد نووژیان ئامه‌د كوشتیه.
ئیستخبارتا ده‌وله‌تا ترك ئیرۆ رۆژا شه‌می 7 ئیلۆنا 2024ێ راگهاند كو ل باژارێ سلێمانیێ ب ئۆپەراسیۆنەکێ، بەرپرسا ئیرانێ یا په‌كه‌كێ/كه‌جه‌كێ سالیحا ئاکبیک یا ب کۆدناڤێ “نووژیان ئامەد” كوشتیه.
ده‌ستنیشان كر، ل گۆری ئاگاهیا کو ژ چاڤکانیێن ئەولەکاریێ هاتن ستاندن، هات تەسبیتکرن کو ئاکبیک ل پێنجوێنا ناڤچەیا سلێمانیێ یا سەر سینۆرێ ئیرانێ یە. ئه‌و کو گاڤ ب گاڤ هات شۆپاندن، د دەمەکە گونجاو دا ب ئۆپەراسیۆنەکێ هات كوشتن.
سالیحا ئاکبیک ژ سالا 1993یان ڤه د ناڤا رێخستنا په‌كه‌كێ دا جهـ دگرت، فه‌رماندارا یه‌ژا ستارێ و د ناڤا پژاكێ ده ژی ئه‌رك وه‌رگرتنه.
رێخستنا په‌كه‌كێ ده‌ربارێ كوشتنا وێ دبێژه: سالیحا ئاكبیك ل 23 تیرمه‌ها سالا رابووری 2023ێ ل هه‌رێمێن پاراستنێ یێن مه‌دیا د ئێریشه‌كه ده‌وله‌تا ترك ده ژیانا خوه ژ ده‌ست دا یه.
