ب فەرمانا مەسروور بارزانی چەندین پرۆژە ل دهۆکێ تێن جیبجیکرن

ل پارێزگەها دهۆکێ چەندین پرۆژە ب بهایێ زێدەتر ژ 30 ملیار و 809 ملیۆن دینار تێن جیبجیکرن.

پارێزگارێ دهۆکێ عه‌لی ته‌ته‌ر ئیرۆ 8ێ ئیلۆنێ د داخویانیەکێ دە راگهاند، ب رازەمەندیا سەرۆکوەزیر مەسروور بارزانی، ب بهایێ زێدەتر ژ 30 ملیار دیناران چەندین پرۆژەیێن جودا ل پارێزگەهێ تێن جیبجیکرن.

پرۆژەیێن کو بێنە پێئکانین:

– قۆناغا یەکەما کۆرنێشا بەنداڤا دهۆکێ.

– رێکخستنا بازار و ماستەرپلانا سەرەکە یا چیایێ زاوا.

– رێکخستن و قیرکرنا هەموو جادەیێن سەرەکە یێن ناڤەندا دهۆکێ.

– جیبجیکرنا چەند پرۆژەیێن جودا ل زاویته‌ و مانگێشکێ.

پارێزگارێ دهۆکێ سپاسیا سەرۆکوەزیر مەسروور بارزانی، ئەنجوومەنا وەزیران و ئالیێن پەیوەندیدار کر کو پرانیا داخوازێن خەلکێ دهۆکێ جیبجی کرنە.

د هەیاما کابینەیا نەهەما حکوومەتا هەرێما کوردستانێ دە، زێدەتر ژ 959 پرۆژەیێن مەزن و بچووک ب بهایێ زێدەتر ژ 1 تریلیۆن و 81 ملیار دینار ل پارێزگەها دهۆکێ هاتنە جیبجیکرن.

ژ 959 پرۆژەیان، 485 پرۆژە کەتنە خزمەتا وەلاتیان و کارێن ل 423 پرۆژەیێن دن ژی بەردەوامن. هەروها رازەمەندی ژ بۆ جیبجیکرنا 51 پرۆژەیێن دن ل پارێزگاریا دهۆکێ هاتیە دایین.