ناسنامه‌یا 3 چه‌كدارێن دن یێن په‌كه‌كێ ئاشكه‌ره بوو كو ل تیرمه‌ها ئیسالێ ل خاكوركێ هاتنه كوشتن و رێخستنێ مرنا وان ڤه‌شارتی هشتبوو.
ل گۆری داخویانییا هه‌په‌گێ باسكێ له‌شكه‌ری یێ په‌كه‌كێ، هه‌ر یێك ژ چه‌كدارێن وان یێن ب ناڤێن كۆد ئامەد عەفرین و فرات سێرت ل 20ێ تیرمەها 2024ان و فەداکار یادیگار ژی 21ێ تیرمەها 2024ان ل خاکورکێ هاتنه كوشتن.
هپگیێ دا زانین کو ئامەد ئەفرین سالا 2012ان، فرات سێرت سالا 2014ان و فەداکار یادیگار ژی سالا 2015ان تەڤلی رەفێن په‌كه‌كێ بوونە.
په‌كه‌كه هه‌ر رۆژ ناسنامه‌یێن كۆمێن جوانێن كوردان ئاشكه‌ره دكه، جوانێن كو د سال و مه‌هێن به‌رێ ده هاتنه كوشتن و مرنا وان ڤه‌شارتی، ل گۆری ئاگاهیێن ده‌ستێ مه، هێژان ب سه‌دان جوانێن كوردان مانه كو په‌كه‌كێ به‌رێ وان دایه مرنێ و هێژان ژی مرنا وان ڤه‌شارتی هشتیه.
