بەھزاد خۆسرەوی وەکە کەسایەت، ب ئاوایێ فەرمی، ل ھەرێما کوردستانێ ھەم خوەدییێ مافێ روونشتنێیە؛ ھەم ژی وەک پەنابەرەکی د بن پاراستن و چاڤدێرییا نەتەوەیێن یەکبوویی دەیە.
ل گەل ڤێ راستییێ ژی مخابن، ئاسایشا سلێمانییێ ئەڤ راستییە تونە حەسباندییە و بەھزاد خۆسرەوی تەسلیمی دەولەتا ئیرانێ کرییە.
ئەڤ ھەلوەستا ئاسایشا سلێمانییێ بنپێ کرنا قانوون و دەستھلاتدارییا ھەرێما کوردستانێیە، بنپێ کرنا پرەنسیبێن نەتەوەیێن یەکبوویی یە، بنپێ کرنا نرخێن نەتەوەیی یێن ملەتێ کورد و کوردستانێیە، بنپێ کرنا مافێ مرۆڤان و مافێ پەنابەرییێ یە.
ئەڤ بریارە و ھەلوەستا ئاسایشا سلێمانییێ نایێ قەبوول کرن.
ئەم بانگی حکوومەتا ھەرێما کوردستانێ، بانگی نەتەوێن یەکبوویی، دکن کو رێ ل بەر ھەلوەست و بریارێن وەھا بگرن.
ئەم بانگی ھەموو پارتییێن سییاسی، دەزگەھێن سڤیل و کەسایەتێن ھەر چار پەرچەیێن کوردستانێ و جیھانێ دکن کو ل ھمبەری ڤێ ھەلوەستا خەلەت ھەلوەستێ بگرن؛ ژ بۆ رێ ل بەر خەتەری و خەلەتییێن وەھا بێ گرتن، دەست بدن ھەڤ.
8/9/2024
نڤێسینگەها راگەھاندنێ یا پارتییا وەلاتپارێزێن کوردستانێ (PWK)
