د ئەنجاما تۆپبارانا ترکیەیێ دە، 3 کەسێن سڤیل ل گوندەکی ناڤچەیا شەرا یا عه‌فرینێ یا د دەستێ هه‌سه‌دێ دە یە، بریندار بوون.
رەوانگەها سووری بۆ مافێن مرۆڤان بەلاڤ کر، تۆپخانەیا ترکیەیێ گوندێ تنبێ سەر ب ناڤچەیا شەرا ڤە تۆپباران کر و د ئەنجامێ دە 2 زارۆک و ژنەک بریندار بوون.
دیار کر ژی، د هەمان دەما تۆپبارانێ دە، گوند ژ ئالیێ درۆنەکە خوەکوژ دە ژی هات بۆمبەبارانکرن، بێ کو ت زانیاری دەربارێ زیانان بێ زانین.
هەر د ڤێ چارچۆڤەیێ دە ژی، هێزێن سووریەیا دەمۆکراتیک هه‌سه‌دێ، درۆنەکە دن ل ئاسمانێ گوندێ مه‌رعنازێ ل ناڤچەیا شه‌رایێ خستن خوارێ.
رەوانگەهێ ئاماژە ب وێ کر، دوهی ژی تۆپخانەیا ترکیەیێ گوندێن تاتمەراش، شوارخە و مالکیێ ژی کو ل هەمان ناڤچەیێ و د دەستێ هه‌سه‌دێ دە یە، تۆپباران کرن و د ئەنجامێ دە شەرڤانەک و سڤیلەک هاتن کوشتن.
