وەزارەتا پاراستنێ یا ترکیێ دیار کر کو فەرماندارەکێ وان ل چیایێ گارە یێ ل هەرێما کوردستانێ هاتیە کوشتن.
وەزارەتا پاراستنێ یا ترکیەیێ راگهاند کو پشتی ل هەرێما چیایێ گارە شەر و پەڤچوون ب چه‌كدارێن په‌كه‌كێ ره دەرکەت فەرماندارێ وان یێ ب ناڤێ عومه‌ر فاتح ئایار ب گرانی بریندار بوویە.
ل گۆری داخویانیێ، عومه‌ر فاتح بۆ نەخوەشخانەیێ هات کرن لێ ئەو ل نەخوەشخانەیێ مر.
ل گۆری ئاژانسا ئه‌نادۆلێ ب تەڤلیبوونا پارێزگارێ شرنەخێ جەودەت ئاتای و بەرپرسین ئیداری یێن شرنەخێ ل بالافرگەها شەرافەتتین ئەلچی مەراسیما جەنازە هات لدارخستن.
هات گۆتن کو فەرماندارێ کوشتی خزمێ سەرۆکێ شارەداریا باژارێ مەزنێ ستەنبۆلێ ئەکرەم ئیمامۆگلویە.
ئەکرەم ئیمامۆگلو پشتی خەبەرا مرنا فاتح ئایار ل سەر هەسابێ خوەیێ X پەیامەک بەلاڤ کر و گۆت:
«ئەز سەرساخیێ ژ خزمێن مە رە دخوازم».
ئارتێشا ترکیەیێ 17ێ نیسانا 2022یان ل دەڤەرێن زاپ، ئاڤاشین و مەتینایێ یێن ل باشوورێ کوردستانێ ل دژی په‌كه‌كێ دەست ب ئێرشەکە ب ناڤێ «ئۆپەراسیۆنا پەنجە-کلیدێ» کر و ئەو ئێرش هەتا نها ژی بەردەوام دکە.
