ناسنامه‌یا 3 چه‌كدارێن دن یێن په‌كه‌كێ ئیفشا بوو كو 5 سالان به‌رێ رێخستنێ ئه‌و دا نه كوشتن و هه‌یا رۆژا مه یا ئیرۆ مرنا وان ب ڤه‌شارتی هشتبوو.
هه‌په‌گێ باسكێ له‌شكه‌ری یێ په‌كه‌كێ ئیرۆ رۆژا سێ شه‌می 10/9/2024ێ ناسنامه‌یا 3 چه‌كدارێن خوه ئاشكه‌ره كر كو ل 7 تیرمه‌هـ و 17 ئیلۆنا سالا 2019ێ ل هه‌رێما حه‌فته‌نینێ یا ل باشوورێ كوردستانێ كه‌تنه به‌ر ئێریشێن ده‌وله‌تا ترك و په‌كه‌كێ ژ نوو ڤه مرنا وان ئیفشا كر.
ناڤێن وان وسایه:
محه‌مه‌د عه‌زیز ژ ئامه‌دێ.
محه‌مه‌د سالح ژ سێرتێ.
ده‌ڤریم نه‌جیب ژ وانێ.
هه‌په‌گێ د په‌سنێ ڤان چه‌كدارێن خوه ده دیسا گۆتیه ئه‌و ئاپۆیی بوون و فه‌دایێ ئاپۆ بوون!.
ژ ده‌ستپێكا سالا نوو 2024ێ ڤه، په‌كه‌كێ وه‌كه سالێن به‌رێ هه‌ر رۆژ وێنه‌یێن كۆمێن جوانێن كوردان پارڤه‌دكه، جوانێن كو د به‌رخوه‌دانا خوه یا ساخته ده به‌رێ وان دایه مرنێ و مرنا وان ڤه‌شارتی هشتی.
