مەسروور بارزانی: شۆرەشا ئیلۆنێ شۆرەشەکە نشتیمانی و تەڤئالی یا کوردستانێ بوو

سەرۆکوەزیر مەسروور بارزانی پەیامەکێ ب هەلکەفتا سالڤەگەرا شۆرەشا ئیلۆنێ پارڤە دکە.

سەرۆکێ حكوومه‌تا هەرێما کوردستانێ مەسروور بارزانی ئیرۆ (چارشەمێ، 11.09.2024) پەیامەک ب هەلکەفتا سالڤەگەرا 63ێ یا شۆرەشا ئیلۆنێ پارڤە کر و تێ دە راگەهاند، «ئیرۆ 63 سال ب سەر سەرهلدانا شۆرەشا مەزنا ئیلۆنێ رە دەرباز دبن، کو شۆرەشکە نشتیمانی و سەرانسەری و تەڤئالی بوو، ب سەرکردەتیا رێبەرێ مەیێ نشتیمانی بارزانیێ نەمر».

سەرۆکوەزیر مەسروور بارزانی هەروەسا گۆت، «لبیرئانینا شۆرەشا ئیلۆنێ لبیرئانینا قۆناغەکە گەش یا خەباتا رزگاریخوازیا گەلێ کوردستانێ یە، پێخەمەتی مافێن وێ یێن رەوا و دەستبەرنەدانا ژ بەرگریکرنا ژ ئاخ و خەلکێ کوردستانێ یە».

تەکستا پەیاما سەرۆکوەزیر مەسروور بارزانی:

ئیرۆ 63 سال ب سەر سەرهلدانا شۆرەشا مەزنا ئیلۆنێ رە دەرباز دبن، کو شۆرەشکە نشتیمانی و سەرانسەری و تەڤئالی بوو، ب سەرکرداتیا رێبەرێ مەیێ نشتیمانی بارزانیێ نەمر.

لبیرئانینا شۆرەشا ئیلۆنێ لبیرئانینا قۆناغەکە گەشا خەباتا رزگاریخوازیا گەلێ کوردستانێ یە، پێخەمەتی مافێن وێ یێن رەوا و دەستبەرنەدانا ژ بەرگریکرنا ژ ئاخ و خەلکێ کوردستانێ یە.

نرخێن بلندێن شۆرەشا ئیلۆنێ د چەسپاندنا دادپەروەری و یەکرێزی و یەکگرتن و راوەستیانا ل بەرانبەری ستەم و بێدادیێ دە هەردەم ئیلهامبەخشێن کارکرنا مەنە، پێخەمەتی زێدەتر خزمەتکرنا خەلکێ کوردستانێ و پاراستنا دەستکەفتیێن مە یێن نشتیمانی.

د سالڤەگەرا شۆرەشا ئیلۆنێ دە، ئەم ب رێز و حورمەتەکە زێدە خەبات و تێکۆشان و قوربانیدانا هەمی پێشمەرگە و تێکۆشەرێن تەڤلیبووییێن شۆرەشێ ژ هەمی تەخ و پێکهاتەیێن جودا جودایێن گەلێ کوردستانێ لبیر تینن.

سلاڤ ل جانێ پاکژێ شەهیدێن شۆرەشا ئیلۆنێ و تەڤایا شەهیدێن کوردستانێ.

مەسروور بارزانی

سەرۆکێ حكوومه‌تا هەرێما کوردستانێ

11.09.2024