ل گوندەکی کەرکووکێ شەر د ناڤبەرا کۆمەکە داعشێ و هێزێن ئەولەهیێ دە چێ بوو. د ئەنجامێ دە، چەکدارەک هات کوشتن و سێ ئەندامێن هێزێن ئەولەهیێ ژی بریندار بوون.
هات راگهاندن كو «نێزی سەعەت 08:00ێ سەرێ سبەها ئیرۆ (چارشەم، 11.09.2024) ل گوندێ سێکانیانێ یێ کەرکووکێ، شەر د ناڤبەرا کۆمەکە داعشێ و هێزێن ئەولەهیێ یێن پارێزگەها کەرکووکێ دە چێ بوو».
د ئەنجامێ وی شەری دە، چەکدارەک هات کوشتن، دو چەکدار هاتن دەستەسەرکرن و یەک ژی رەڤی، هەروەسا سێ ئەندامێن هێزێن ئەولەهیێ ژی بریندار بوون.
وێ کۆما داعشێ خوە د ناڤ خانیەکی وی گوندی دە هەشار دابوو. هێزێن ئەولەهیێ دەست ب لێکۆلینان ل سەر وێ روودانێ کریە و ئەو خانیێ گوندێ سێکانیانێ ژی دۆرپێچ کریە.
