رێخستنا چەتە یا ب ناڤێ “جوانێن شۆرەشگەر” یا سەر ب پارتیا کارکەرێن کوردستانێ ڤە، زارۆکەک ژ باژارێ قامشلۆ ب ئارمانجا تەڤلیکرنا ناڤ رەفێن پارتیێ دە رەڤاندن.
ل گۆری تۆرا چاڤدێریا مافێن مرۆڤان یا سووریێ، رێخستنا “جوانێن شۆرەشگەر” د 7ی ئیلۆنێ دە زارۆکێ 14 سالی یێ ب ناڤێ ئەحمەد محەمەد ئیبراھیم ل تاخا کانالا سوویسێ یا باژارێ قامشلۆ، دەما کو دچوو سەر کارێ خوە رەڤاند.
تەڤی کو مالباتا ئەحمەد ژ بۆی لێکۆلینکرنا چارەنڤیسا کورێ خوە سەری ل ناڤەندێن پارتیا یەکیتیا دەمۆکراتیک و ھێزێن سووریەیا دەمۆکراتیک دا، لێ ھەتا نھا ت ئاگاھی دەربارێ چارەنڤیسا کورێ خوە ب دەست نەخستنە.
تێ زانین فەرماندارێ ھێزێن سووریا دەمۆکراتیک مەزلووم کۆبانێ د سالا 2019 دە لگەل ڤێرجینیا گامبا نوونەرا نەتەوێن یەکگرتی بۆ کارووبارێن زارۆکان، ل سەر پەیمانەکێ ئیمزە کربوو، کو ئێدی زارۆکان تەڤلی ھێزێن خوە نەکە و زارۆکێن د ناڤ دە سەربەست بەردە، لێ تا نھا چ پابەندی ب وێ پەیمانێ نەھاتیە کرن، ھەر دەم چەکدارێن ب ناڤ و رەنگێن جودا د ناڤا هەسەدێ دە زارۆکان درەڤینن و تەڤلی لەشکەریا نەچاری دکن.
ل گۆری چاڤدێران ئارمانجا چەتەیێن ب ناڤێ “جوانێن شۆرەشگەر” ژ رەڤاندنا زارۆکێن تەمەن بچووک، شووشتنا مەژیێ زارۆکان ل گۆر بیردۆزیێن پارتیا کارکەرێن کوردستانێ و تەڤلیکرنا وان د ناڤا رەفێن لەشکەری یێن پارتیێ دەیە.
