سەرۆک بارزانی گۆت: “مە ئیرادەیا شۆرەشا ئیلۆنێ وەرگرتیە و ھەتا ئەم ساخ بن ژی ئەو ئیرادە دێ بمینە.” ھەروھا گۆت: “ئەم شۆرەشا ئیلۆنێ ل سەر چیایێ سەفینێ ببیر تینن کو د دیرۆکا تێکۆشینا گەلێ کوردستانێ دە، ئالایەکە بلندە.”
سەرۆک مەسعوود بارزانی ئیرۆ 11ێ ئیلۆنێ ل سەر چیایێ سافین بەشداری 66ەمین سالڤەگەرا شۆرەشا ئیلۆنێ بوو و د چارچۆڤەیا گۆتارەکێ دە ب بۆنەیا سالڤەگەرا شۆرەشا ئیلۆنێ راگھاند، “ئیرۆ رۆژەکە پیرۆزە، شۆرەشا ئیلۆنێ شۆرەشەکە کو دۆزا گەلێ کوردستانێ گھاند ھەموو جیھانێ و دەریەکی فرەھ ژ ھەموو کوردستانێ رە ڤەکر و بەرھەما وێ ژی ھەبوو. دیسا د 11ێ ئادارا 1970 دە، ب خوینا پێشمەرگەیێن قەھرەمان دەستکەفتەکە مەزن ژ بۆ گەلێ کوردستانێ ھاتە بدەستخستن.”
سەرۆک بارزانی ئاماژە ب وێ یەکێ کر، شۆرەشا گولانێ بەردەوامیا شۆرەشا ئیلۆنێ بوو و ھێڤی خوەست کو ھەموو ئالی و گەلێ کوردستانێ ڤەگەرە سەر روحا شۆرەشا ئیلۆنێ و سەرھلدانا سالا 1991ێ.
سەرۆک بارزانی گۆت: “ئەم ب ھەڤ رە دکارن گەلەک دەستکەفتان ب دەست بخن و دڤێت ئەم سپاسیا خوەدێ بکن کو ئیرۆ ئەم ب ئامادەبوونا ڤان عەزیزان، شۆرەشا ئیلۆنێ ب بیر تینن. سەفین ئالایەکە بلندە د دیرۆکا گەلێ کوردستانێ دە.”
سەرۆک بارزانی گۆت: “مە ئەڤ ئیرادە ژ شۆرەشا ئیلۆنێ وەرگرتیە و ھەتا ئەم ساخ بن ژی ئەڤ ئیرادە دێ بمینە. ھەتا کو ئەڤ پێشمەرگەیێن قەھرەمان ل ھەبن، کوردستان د دەستێن ئەولە دەیە و رۆژ ب رۆژ دێ پێشکەتنێن مەزن چێببن.”
سەرۆک بارزانی د داویا ئاخافتنێن خوە دە ھێڤیا سەرکەفتن و پێشکەفتنا کوردستانێ خوەست و ئاماژە ب وێ ژی کر کو ئەگەر ئیرادە نەمینە، دێ ھەر تشتەک نەمینە.”
