وەزارەتا پاراستنێ یا ترکیەیێ راگهاند کو ل رۆژئاڤایێ کوردستانێ لەشکەرەکی هاتیه كوشتن و گۆت كو ئه‌و د ئەنجاما قەزایەکا چه‌كان دە مریە.
ل گۆری داخویانیێ، ناڤێ وی لەشکەری ئۆنور چاپان و چاوشێ پسپۆر بوویە. ئەڤ لەشکەر ل هەرێما «چقلێ زەیتوونێ» مریە.
ئارتێشا ترکیەیێ و گرووپێن چەکدارێن د کۆنترۆلا وێ دە، 20ێ کانوونا پاشینا 2018ێ ژ ئاسیمان و بەژاهیێ ڤە ب ئاوایەکی بەرفرەهـ ئێرشی عەفرینێ کر کو وێ دەمێ د دەستێ کوردان دە بوو.
ترکیەیێ ناڤێ «چقلێ زەیتوونێ» ل ئێرشا خوە کر.
دڤێ وەرە گۆتن کو باژارێن عەفرین، گرێ سپی و سەرێ کانیێ یێن رۆژئاڤایێ کوردستانێ د بن داگیرکەریا ترکیەیێ دە نە.
هێزێن رزگاریا عەفرینێ كو باسكه‌كی په‌كه‌كێ یه ل وێ ده‌رێ، جارنان ل هەرێمێن داگیرکری چالاکیێن شه‌رمینۆك یێن لەشکەری ل دار دخن و لەشکەرێن ترکیەیێ و کۆمێن چەکدار دکن هەدەف.
