پارێزگەریا شرنەخێ ل بەژاھیێن جزیر، سلۆپی، باسا، قلابان و ئەلکێ بۆ 15 رۆژان ل 15 دەڤەران قەدەغە راگھاند و ھات ئاماژەکرن کو دەڤەرێن ھاتین دەستنیشانکرن وەک ھەرێما ئەولەکاریایا تەیبەتا دەمکی ھاتنە راگھاندن.
ژ ئالیێ پارێزگەریا شرنەخێ ڤە ھات راگھاندن کو ل ھەرێما بەستا، ل چیایێ جوودی یا دکەڤە ئالیێ جزیر و سلۆپیایێ، ل چیایێ گابارێ یێ دکەڤە ئالیێ باسا، ل بەژاھیا ئەلکێ و قلابان بۆ 15 رۆژان قەدەغە ھاتیە راگھاندن.
د داخویانیا پارێزگەریا شرنەخێ دە ھاتیە ئاماژەکرن، 15 دەڤەرێن کو ھاتنە دەستنیشانکرن وەک ھەرێما ئەولەکاریێ یا تەیبەتا دەمکی ھاتنە راگھاندن و بریارا قەدەغەیێ ژ 14 ئیلۆنێ دەست پێ دکە و ھەتا 29 ئیلۆنێ دێ بەردەوام بە و بانگ ل وەلاتیان ژی تێ کرن کو ل گۆری بریارا قەدەغەیێ تەڤبگەرن.
پارێزگەریا شرنەخێ بالێ دکێشە ژ بۆ کو ئەولەکاریا جڤاکی وەرە جیبجیکرن، پێشی ل تاوانان و بویەرێن توند و توژیێ وەرەگرتن بریارەکە وسا ھاتیە وەرگرتن و چوون و ھاتنا ڤان ھەرێمان ھاتییە قەدەغەکرن.
